Daniel 9:12 - AHYERƐLƐ KRONGRON

¹² Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Daniel 9:12 Iomraidhean Croise

1 Ahemvo 3:9

Yiti ma w’akoaa ndeaseɛ adwene bɔ ngɔfa ngɔla wɔ mmenia noa ɔ. Maa ngora nwu paa ne tɛɛ b’afia nzonzoleɛ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

2 Ahemvo 22:16

AWURADE nwa nyoo: nwomaa bɔ Yuda hene akenga ne, ngogyina nu dwirɛ amukoraa so ngɔfa amaneɛ ngɔto maen he ɔne nu ama so.

YOB NWOMAA NE 12:17

Ɔma foɛtulɛfoɛ bɛ nworɛ fi bɛ ti anu, yeɛ ɔma ndɛenbualɛfoɛ bɛyɛ ngwaseaa.

Edwein 148:11

aseɛ ye aso ahemvo ne maen maen amukoraa, atitire ne aseɛ ye aso maenbulɛfoɛ amukoraa,

Edwein 2:10

Yiti afei, ahemvo, ɛ́mɔsua nworɛ; ewiase maenbulɛfoɛ, ɛ́mɔtie kɔkɔbɔlɛ.

Anyandera 8:16

me so yeɛ maen mbanyi bɛfa bebu maen ɔ, bɛ ne nnehyeɛ ne bɛ bɔ bebu maen nahorɛ nu amukoraa.

Yesaya 43:28

Yiti, magua nekaa krongron berɛ mbanyi nemɔ nyunu ase, maye Yakob mama kyɛ musue ɔto ye, yeɛ maye Yisrael mama kyɛ bɛgoro ye nwo.

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Yeremia 39:16

“Kɔ ná kɔhã kyire Yitiopianiɛ Ebede Meleke kyɛ, ‘Asafo AWURADE, Yisrael Nyameɛ nwa nyoo: Tie, me dwirɛ bɔ mahã mafa kuro he anwo, kyɛ ngɔfa bɔ ɔtte mayee ngoli ye, na mmom nna paa ahɔ nen, ɔkɔwa nu wɔ wɔ nyunu sɔ kyẽa ne.

Yeremia 44:23

Ɔnate kyɛ ɛmɔayera ɛyɛɛ, ɔne kyɛ ɛmɔayɔ bɔne batia AWURADE, ná ɛmɔandie AWURADE noa dwirɛ, yeɛ ɛmɔanni ye mmeraa, ye ahyɛdeɛ ne ye nhyehyɛleɛ so ne ati, yeɛ sɔ amaneɛ he wato ɛmɔ kyɛbɔ ɔte ɛnɛ ye.”

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Awuye 2:13

Ao Yerusalem awa brasua, nzikyɛ yeɛ nga mva nni wɔ nwo adanzeɛ ɔ? Nzikyɛ yeɛ mva ndoto wɔ nwo ɔ? Ao Sion awa brasua ababunu, nzikyɛ yeɛ mma ɛne ye bɛsɛ ɔ, amaa ɔnate so makyekye wɔ wora ɔ? Ofikyɛ w’asefinɛ ne te piri kyɛ ɛpo, na nwa yeɛ ɔkɔhora kɔsa wɔ anwonyerɛ ɔ?

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 4:6

Ofikyɛ me maen awa brasua, ye amumuyɛɛ nwo asohwenɛ ne, ɔte piri tra Sodom ye bɔne nwo asohwenɛ deɛ; Sodom bɔ bɛsɛkyele ye mvum nu, bɔ ebiala wandwe ye sa wɔ ye so ɔ.

Hesekiel 13:6

Bɛ noa dwirɛ te nnakannaka, yeɛ bɛhyɛ ngondombo ngɔm. Bɛnwa: ‘AWURADE nwa nyoo,’ wɔ aberɛ bɔ nna AWURADE yeɛ wasoma bɛ ɔ; nakoso bɛ nye la so kyɛ AWURADE kɔma bɛ dwirɛ ne kɔwa nu ɔ.

Hesekiel 5:9

Na ɔnate w’akyiwadeɛ yɔleɛ ne amukoraa ne ati, kyɛbɔ ngosi ngɔhwe wɔ so ne, nnyɔle sɔ bie le, yeɛ mengɔyɔ sɔ bie le ko.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Sakaria 7:12

Bɛyɛle bɛ so serɛ kyɛ twerɛboɛ, kyɛbɔ ɔkɔyɛ bɔ bɛngɔte mmeraa ne ne edwirɛ bɔ Asafo AWURADE nate ye Sunzum so mane daa ngɔmhyɛlɛfoɛ nemɔ bɛbɔle ye dawure ne ɔ. Yiti Asafo AWURADE ahone huli piri paa.

Mateo 24:21

Ɔnate kyɛ, amaneɛnwunɛ piri bɔ ɔkɔwa ne, ofi mmerɛ bɔ Ɛdangama bɔle wiase bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Mateo 5:18

Nahorɛ nu, mekã mekyire ɛmɔ kyɛ, kɔpem kyɛ anwuro ne aseɛ kɔpɛ nu ɔ, mmeraa ne anu kaaba ko anaa kaaba pɔtrepɔɔ ko po ngofi nu, sana ye mukoraa awa nu koraka.

Marko 13:19

Ofikyɛ, amaneɛnwunɛ bɔ ɔkɔwa sɔ mmerɛ ne anu ne, ofi mmerɛ bɔ Ɛdangama Nyameɛ bɔle aleɛ bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Luka 21:22

ofikyɛ sɔ ngyẽa ne te wereɛtɔlɛ ngyẽa, bɔ ɔma bɔ bahyerɛ ne amukoraa ba nu ɔ.

Romanfoɛ 15:8

Na mekã mekyire ɛmɔ kyɛ, Kristo yɛle somvoɛ mane bienzuapɛlɛfoɛ nemɔ fa hyirele Nyameɛ nahorɛlilɛ, kyɛ ɔma bɔhyɛ bɔ bɛhyɛle yɛ nana mɔ ne otindim,