Daniel 8:9 - AHYERƐLƐ KRONGRON

⁹ Mmɛen nemɔ anu, mmɛen kaaba bie fifili fili ko anu, onyini yɛle piri paa mane ye nye hyirele ngwaen, eyia afiteleɛ ne aseɛ nyemenenyemene ne.

Daniel 8:9 Iomraidhean Croise

Edwein 105:24

Na AWURADE mane ye mmenia bɛtale pee, na ɔmaa benyane anwoserɛ bɛtrale bɛ pɔfoɛ mɔ.

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Yeremia 3:19

“ ‘Ndwenene kyɛ ngɔmaa ɛkɔyɛ titire paa wɔ me mma mɔ anu, na ngɔma wɔ aseɛ bɔ ɔkye aleɛ ɔ, bɔ ɔte maen mɔ b’agyapadeɛ paa paa ɔ. Na né medwene kyɛ ɛkɔfrɛ me ‘Me Baba’ bɔ ɛngɔyakyi me si lilɛ ɔ.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Daniel 11:16

Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:21

“Busueniɛ bie kodwɔso kosi ye gya nu, bɔ ɔte sona bɔ bamva ahennie animnyam bia ne bamma ye ɔ. Okofu bɛ nu kɔwa, na ɔnate ye noa dwirɛ menemene so okole ahennie ne.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Sakaria 7:14

Na mvale mvrama bɔ ɔpɛ ye nwo ɔ mmɔle bɛ nzandele maen maen amukoraa bɔ bɛnze bɛ ɔ so. Na aseɛ bɔ bɛyakyili ye bɛ si ne ɔlale berɛ mbaen, bɔ sona biala wambɛ nu berɛ, kyɛ ɔkɔ oo, anaa ɔba oo, na aseɛ nyemenenyemene ne lale berɛ mbaen.”