Daniel 8:8 - AHYERƐLƐ KRONGRON

⁸ Yiti abɔngye nyii ne momane ye nwo so paa, nakoso mmerɛ bɔ ye anwoserɛ ne yɛle piri paa nen, mmɛen piri ne buli, na mmɛen mbiri mbiri nna fifili ye boso bɔ bɛ nye kyire nyameɛso mvrama nna ne ɔ.

Daniel 8:8 Iomraidhean Croise

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

Ɛseta 9:4

Ɔwale ye sɔ, ofikyɛ Modekae nyane tumi wɔ ahemvie berɛ, ye dumaa trɛle hɔle manzini ne amukoraa nu, na ɔhɔle so nyane tumi.

Yeremia 49:36

na ngɔfa mvrama nna ne ngofi nyameɛso ndweasoɛ nna ne aso ngɔwa Elam so, na ngɔbɔ bɛ ngɔsande ngoogua sɔ mvrama ne amukoraa so. Maen biala nne berɛ bɔ sɔ Elamfoɛ bɔ bafoa bɛ maa banwati ne, bɛ nu bie ngɔhɔ so ɔ.

Yeremia 5:27

Kyɛbɔ nnomaa ayi kɛndɛngu nu to ne, sɔ ala yeɛ nnakannaka ayi b’awuro mɔ nu to ɔ; yiti bayɛ atitire, yeɛ banya bɛ nwo tam.

Hesekiel 16:7

Mamaa anyi kyɛ eburo bakaa. Enyini yɛle tendenn, na wɔ nwo yɛle nyemene paa. Ɛbobɔle nyɔfone, wɔ nwiaa fuli, nakoso né wɔ nwo la so kwaterekwa.

Hesekiel 28:9

Aso ɛkɔhɔ so kɔhã kyɛ, ‘Nde Nyameɛ,’ wɔ bɛ bɔ beku wɔ ne anyunu? Ɛte sona, na mmom ɛtte Nyameɛ wɔ mmenia bɔ beku wɔ nemɔ bɛ sa nu.

Daniel 11:4

Na sɛ onya nyinasoɛ yie a, afei ye ahennie ne kɔbɔ, na nu kɔhyehyɛ kɔhɔ nyameɛso mvrama nna nemɔ anu; nakoso ongooli ye bosofoɛ mɔ sa, yeɛ tumi bɔ bɛkɔfa bekoli hene ne ɔngɔyɛ kyɛ ye deɛ ne; ofikyɛ ye ahennie ne kogyigya, na okooli ebiemɔ mbaen bɛ sa nu.

Daniel 4:31

Na Nana Nebukadenesa noa ambe, yeɛ edwudwolɛ bie fili nyameɛso sele kyɛ, “Wɔ, ɛhene Nebukadenesa, wɔ yeɛ bɛ́kã edwirɛ he bekyire wɔ ɔ, kyɛ: Ahennie ne, wafi wɔ sa!

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Daniel 7:2

Daniel nwa nyoo, “Nwuni ye wɔ me nyekyire ne anu kɔngɔen ne, yieee, nyameɛso mvrama nna nemɔ betuli ɛpo piri ne aso bɛmaa ɔyɛle bagyabagya.

Daniel 7:6

Na ɛhe asi ne, nneane, na nwuni kaka foforɛ bɔ ɔte kyɛ aboa ɔ. Né ole anomaa ndaa nna wɔ ye si; né kaka ne ti te nna, na bɛmane ye tumi.

Daniel 8:22

Na mmɛen bɔ so buli bɔ mmɛen nna befifili ye gya nu ne, okyire kyɛ ahennie nna kodwɔso maen ne anu, nakoso b’anwoserɛ ngodwu ye deɛ ne.

Daniel 8:5

Na ngu so bɔ menea ne, yieee, abɔngye nyii bie fili eyia atɔleɛ fale aseɛ so amukoraa wale bɔ né ye gya nga ase ɔ; na né abɔngye ne ole mmɛen pirikua bie bɔ otua ye nye nemɔ b’afia ɔ.

Daniel 8:7

Nwuni kyɛ waadwu boaen nyii ne anwo berɛ, ɔfɛle ye so yaa piri, na osili boaen nyii ne bubuli ye mmɛen nyɔ ne anu. Boaen nyii ne annya anwoserɛ wangyina ye nyunu, na abɔngye ne pemone ye tole berɛ tiatiale ye so, na ebiala angora wanne boaen nyii ne wamvi ye sa nu.

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Marko 13:27

Na ɔkɔsoma ye abɔfo mɔ maa bɛkɔɔboaboa bɛ bɔ waneanea nu waye bɛ nemɔ bekofi mvrama nna nemɔ anu, kofi aseɛ noa koodwu anwuro noa.

Deuteronomi 31:20

Ofikyɛ, mefa bɛ mekodwu aseɛ bɔ nyɔfonesue ne woɛ tengyɛ wɔ so, bɔ ndale ndaen kyɛ ngɔfa ngɔma bɛ nana mɔ ne aso, ná bedidi ma bɛ ko yi, ná bɛyɛ mbiri mbiri a, bekooli nyameɛ foforɛ biemɔ si bɛkɔso bɛ, bɛkɔpo me, ná babu m’apam ne aso.

Nyekyire 7:1

Na ɛhemɔ asi ne, nwuni abɔfo nna kyɛ begyigyi aseɛ ndweasoɛ nna ne aso, bɔ né basi aseɛ so mvrama nna nemɔ ate, kyɛbɔ ɔkɔyɛ bɔ mvrama biala ngotu ngɔfa aseɛ anaa ɛpo anaa bakaa biala so ɔ.