Daniel 8:7 - AHYERƐLƐ KRONGRON

⁷ Nwuni kyɛ waadwu boaen nyii ne anwo berɛ, ɔfɛle ye so yaa piri, na osili boaen nyii ne bubuli ye mmɛen nyɔ ne anu. Boaen nyii ne annya anwoserɛ wangyina ye nyunu, na abɔngye ne pemone ye tole berɛ tiatiale ye so, na ebiala angora wanne boaen nyii ne wamvi ye sa nu.

Daniel 8:7 Iomraidhean Croise

Daniel 11:11

Ngwaen dɔ hene ne, ole ɛyaa kɔwa, na ɔkɔfa koɛ kɔɔteta sorɔ dɔ hene ne. Na ɛhe kɔma sorɔ dɔ hene ne kɔboaboa ɛlɔen kandinga noa, nakoso okoli ngoguo wɔ ye nyunu.

Daniel 7:12

Na ngaka ngaa nemɔ koso de, belele bɛ sa nu tumi ne, nakoso bɛhyɛle mmerɛ kãa bɛmane bɛ maa bɛtenane ase.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Daniel 8:10

Onyini tendenn alaa oodwuli nyameɛso lɔen ne anwo, na otutuli ɛlɔen ne bie ne nzramaa ne bie guale ase, na otiatiale bɛ so.

Daniel 8:6

Opingyele boaen nyii bɔ ole mmɛen nyɔ, bɔ nwuni ye kyɛ ogyi asue ne noa ne anwo berɛ, na ole ɛyaa tuli amirika anwoserɛ so hɔle ye so.

Daniel 8:8

Yiti abɔngye nyii ne momane ye nwo so paa, nakoso mmerɛ bɔ ye anwoserɛ ne yɛle piri paa nen, mmɛen piri ne buli, na mmɛen mbiri mbiri nna fifili ye boso bɔ bɛ nye kyire nyameɛso mvrama nna ne ɔ.

Lewitikɔso 26:37

Ɔwɔ nu kyɛ ebiala mvoa bɛ de, nakoso bekofifi ase bɛkɔfofo bɛ nwo so kyɛ mmenia bɔ bɛnwati befi ngrandɛ noa ɔ. Na ɛmɔngonya anwoserɛ bengogyina ɛmɔ pɔfoɛ mɔ nyunu.

Yosua 8:20

Na mmerɛ bɔ Aye mmienzua tole bɛ nye bɛneane nziɛ nen, benwuni kyɛ kuro ne anu nwosina ótu kɔ anwuro. Yiti né bennwu nekaa horɛ bɔ bɛnwati bɛhɔ ɔ, ofikyɛ Yisraelfoɛ bɔ bɛnwatili bɛhɔle ɛserɛ so dɔ ne, bɛkakyili bɛ nwo bɛwale Ayefoɛ so.