Daniel 8:5 - AHYERƐLƐ KRONGRON

⁵ Na ngu so bɔ menea ne, yieee, abɔngye nyii bie fili eyia atɔleɛ fale aseɛ so amukoraa wale bɔ né ye gya nga ase ɔ; na né abɔngye ne ole mmɛen pirikua bie bɔ otua ye nye nemɔ b’afia ɔ.

Daniel 8:5 Iomraidhean Croise

Daniel 11:3

Afei ɛhene katakyie bie kodwɔso, ɔkɔfa tumi piri koli hene, na bɔ okuro biala yeɛ ɔkɔyɔ ɔ.

Daniel 2:32

Sonaluwaa ne, ye ti ne te sikaa kɔkorɛ paa, ye hue ne ye sa te dwetɛ, ye ko ne ye sɔ te kɔɔbere,

Daniel 2:39

Efi berɛ a, ahennie bieku bɔ ye tumi ndwu wɔ deɛ ne ɔ kodwɔso; yeɛ afei ahennie bieku bɔ ɔtɔ so nza ɔ kɔwa bɔ ye ole kɔɔbere ne, na okoli hene wɔ aseɛ so amukoraa.

Daniel 7:6

Na ɛhe asi ne, nneane, na nwuni kaka foforɛ bɔ ɔte kyɛ aboa ɔ. Né ole anomaa ndaa nna wɔ ye si; né kaka ne ti te nna, na bɛmane ye tumi.

Daniel 8:21

Na abɔngye nyii awerɔm ne, ogyi berɛ ma Hela hene; yeɛ mmɛen pirikua bie bɔ otua ye nye nemɔ b’afia ne, ogyi berɛ ma ɛhene bɔ oli moa ne.

Daniel 8:6

Opingyele boaen nyii bɔ ole mmɛen nyɔ, bɔ nwuni ye kyɛ ogyi asue ne noa ne anwo berɛ, na ole ɛyaa tuli amirika anwoserɛ so hɔle ye so.

Daniel 8:8

Yiti abɔngye nyii ne momane ye nwo so paa, nakoso mmerɛ bɔ ye anwoserɛ ne yɛle piri paa nen, mmɛen piri ne buli, na mmɛen mbiri mbiri nna fifili ye boso bɔ bɛ nye kyire nyameɛso mvrama nna ne ɔ.