Daniel 8:4 - AHYERƐLƐ KRONGRON

⁴ Nwuni boaen nyii ne kyɛ osisi ɔkɔ eyia atɔleɛ ne sorɔ ne ngwaen. Kaka biala angora ye nyunu gyina, yeɛ ebiala nne berɛ bɔ ɔhora pepɛ lele ebie fili ye sa nu ɔ. Ɔyɔle bɔ okuro ɔ, na ɔmomane ye nwo so.

Daniel 8:4 Iomraidhean Croise

1 Ahemvo 22:11

Bɛ nu ko bɔ ye ole Kenaana awa Sedekia ne, ɔyɔle buralɛ mmɛen mɔ fale, na ɔhane kyɛ, “AWURADE nwa, ‘Mmɛen hemɔ yeɛ ɛkɔfa kɔpemo Siriafoɛ maa okoodwu kyɛ ekohũhũ bɛ ɔ.’ ”

YOB NWOMAA NE 10:7

Ɔwɔ nu kyɛ ɛse kyɛ menni fɔ, yeɛ ebiala koso nne berɛ bɔ okole me kofi wɔ sa nu ɔ.

Edwein 44:5

Wɔ tumi yeɛ yɛfa yɛdi yɛ pɔfoɛ mɔ so ngonim ɔ, na wɔ dumaa nu yeɛ yɛtiatia bɛ bɔ bedwɔso betia yɛ ɔ so ɔ.

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Edwein 7:2

Wamma ye sɔ a, bɛkɔtete me nu pasapasa kyɛ gyata tete sona nu ɔ, na bɛkɔpoa me ase bɛkɔhɔ bɔ mengonya defoɛ biala ɔ.

Hesekiel 34:21

Na ɔnate kyɛ ɛmɔfa ɛmɔ mvenu ne ɛmɔ bati besumusumu, ná ɛmɔfa ɛmɔ mmɛen bɛwowɔ bɛ bɔ bɛnde apɔ ne amukoraa, kɔpem kyɛ ɛmɔkɔbɔ bɛ kɔsande bɛkɔhɔ dedeede ne ati,

Daniel 11:16

Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 5:30

Na sɔ kɔngɔen ne ala, behuni Kaldeafoɛ hene Bɛlsasa.

Daniel 7:5

Nwuni kaka bɔ ɔtɔ so nyɔ ɔ, na né ɔte kyɛ kwabrafo. Né wadwɔso wagyina berɛ watɔ wahɔ ye bue ko; né amveɛ mbaleɛ nza wura ye noa nu, wɔ ye gye nemɔ b’afia. Na besele ye kyɛ, ‘Dwɔso di naen pee!’

Daniel 8:7

Nwuni kyɛ waadwu boaen nyii ne anwo berɛ, ɔfɛle ye so yaa piri, na osili boaen nyii ne bubuli ye mmɛen nyɔ ne anu. Boaen nyii ne annya anwoserɛ wangyina ye nyunu, na abɔngye ne pemone ye tole berɛ tiatiale ye so, na ebiala angora wanne boaen nyii ne wamvi ye sa nu.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Deuteronomi 33:17

Ɔte kyɛ nandwie nyii bamuɛbaa, ole animnyam, ye mmɛen te torɔen mmɛen, ɔfa mmɛen ne si maen maen mɔ toonn, maa bɛ mukoraati bekogua aseɛ noa dɔ. Mmɛen nemɔ ole Efraim mmenia apee buru ne, yeɛ Manase mmenia apee apee ne.”