Daniel 8:3 - AHYERƐLƐ KRONGRON

³ Mmane me ti so, na yieee, nwuni boaen nyii bie kyɛ ogyi asue ne noa ɔ. Né ole mmɛen nyɔ, na mmɛen nyɔ ne, né bɛwoware, nakoso ko te tendenn tra ko, na bɔ ɔte tendenn ne yeɛ olili nziɛ wɔ bɛ fifilɛ ne anu ɔ.

Daniel 8:3 Iomraidhean Croise

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 4:5

Bɛbɔle mbanyi paa kyɛ bɛbɔ Yudafoɛ bɛ botaeɛ ne begua, na ɛhe hɔle so toonn wɔ Pɛsia hene Karose aberɛ so maa oodwuli Pɛsia hene Dario aberɛ so.

Ɛseta 1:3

Olili bia ne, ye afoɛ nza ne anu, ɔtole poen mane ye mbanyi ne ye somvoɛ amukoraa. Ɔtole ye sa frɛle Pɛsia ne Media safohene mɔ, atitirefoɛ ne manzini amrado mɔ maa bɛwale ye bo bie.

Yesaya 13:17

Tie, ngɔkanyane Medesefoɛ maa bekodwɔso bekotia bɛ, Medesefoɛ de, bemmu dwetɛ, yeɛ bɛ nye ngye sikaa kɔkorɛ nwo.

Yesaya 21:2

Nyekyire suronyisuronyi yeɛ nyane ye ɔ: Apaabɔlɛfoɛ nemɔ bɛbɔ apaa, yeɛ bɔ ɔsɛkye nningyein ne koso ɔsɛkye bɛ. O Elam, fo kɔ, O Media, tua kuro ne; aworabɔlɛ biala bɔ wamaa wawa ne, ngɔma ye bo kɔpɛ.

Yesaya 44:28

Me yeɛ mekã mefa Karose nwo kyɛ, ‘Ɔte me mmoaenneafoɛ, na ɔkɔma me botaeɛ amukoraati kɔwa nu’; yeɛ mekã mekyire Yerusalem kyɛ, ‘Bɛkɔkyekye wɔ bieku,’ yeɛ mekã mekyire asɔneyɛɛ sua ne kyɛ, ‘Bekosa bɛkɔto wɔ fapem ne.’ ”

Yeremia 51:11

“Ɛ́mɔsi agyaen nemɔ noa! Ɛ́mɔma akokyɛm nemɔ aso! AWURADE akanyane Medese ahemvo mɔ sunzum, ofikyɛ wanya Babilɔn nwo adwene kyɛ ɔkɔsɛkye ye, AWURADE wereɛtɔlɛ ne, ye ɛne; ye asɔneyɛɛ sua nwo wereɛtɔlɛ ne, yɛ ɛne.

Daniel 10:5

Ndole me nye anwuro nneane, na nwuni biaa bie bɔ ɔhera nwera bɔ wafa Yufase sikaa kɔkorɛ wayɛ abɔsoɛ ɔ.

Daniel 2:39

Efi berɛ a, ahennie bieku bɔ ye tumi ndwu wɔ deɛ ne ɔ kodwɔso; yeɛ afei ahennie bieku bɔ ɔtɔ so nza ɔ kɔwa bɔ ye ole kɔɔbere ne, na okoli hene wɔ aseɛ so amukoraa.

Daniel 5:31

Na Medeseniɛ Dario fale ahennie ne. Né wali afoɛ kɔyɛ aburasia ne nyɔ.

Daniel 6:28

Yiti Daniel he, onyane ngɔsoɛ wɔ Dario ahennie aberɛ so ne Pɛsianiɛ Karose ahennie aberɛ so.

Daniel 7:5

Nwuni kaka bɔ ɔtɔ so nyɔ ɔ, na né ɔte kyɛ kwabrafo. Né wadwɔso wagyina berɛ watɔ wahɔ ye bue ko; né amveɛ mbaleɛ nza wura ye noa nu, wɔ ye gye nemɔ b’afia. Na besele ye kyɛ, ‘Dwɔso di naen pee!’

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.

Daniel 8:20

Boaen nyii bɔ enwuni ye kyɛ ole mmɛen nyɔ ne, begyi berɛ bɛma Media ne Pɛsia ahemvo.

Sakaria 1:18

Afei, ndole me nye anwuro, na yieee, nwuni mmɛen nna.

Sakaria 2:1

Ndole me nye anwuro bieku nneane, na yieee, nwuni biaa bie bɔ otira nyamaa bɔ bɛfa besusu nikye ɔ.

Sakaria 5:1

Nza ndole me nye anwuro, na yieee, nwuni nwomaa bie bɔ babobɔ bɔ otu ɔ!

Sakaria 5:5

Yeɛ abɔfo bɔ ɔne me dwudwole ne wale moa oosele me kyɛ, “To wɔ nye anwuro ná nea nikye horɛ bɔ ɔ́kɔ ne.”

Sakaria 5:9

Afei ndole me nye anwuro, na yieee, nwuni mmrasua nyɔ kyɛ bɛba ɔ. Né mvrama wɔ bɛ ndaa nu. Né bele ndaa te kyɛ akyemvona katakyie ndaa, na bɛmane kɛndɛen ne aso bɛfale aseɛ ne nyameɛso b’afia.

Sakaria 6:1

Nza ndole me nye anwuro, na yieee, nwuni teaseɛnam nna kyɛ befi mmokaa nyɔ b’afia bɛba ɔ. Né mmokaa nemɔ te kɔɔbere mmokaa.

Numeri 24:2

Balaam mane ye ti so, na onwuni kyɛ Yisraelfoɛ baboaboa bɛ noa mmusua kure mmusua kure. Na Nyameɛ Sunzum wale ye so,

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

Nyekyire 13:11

Na nwuni kaka foforɛ bie bɔ ofi aseɛ nu fite wale ɔ; né ole mmɛen nyɔ te kyɛ boaen ba, na odwudwo kyɛ sasrabɔnzam.

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.