Daniel 8:24 - AHYERƐLƐ KRONGRON

²⁴ Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Daniel 8:24 Iomraidhean Croise

Edwein 37:35

Manwu bɔnefoɛ atianuserɛniɛ, bɔ wanyi tendenn kyɛ Lebanon sida ɔ.

Daniel 11:23

Na sɛ maen maen mɔ bɛ ne ye bɛyɛ apam beyie a, ɔkɔfa nnakannaka atee so; na ɔwɔ nu kyɛ mmenia kãa bie yeɛ bekoli ye si ɔ de, nakoso okonya tumi.

Daniel 12:7

Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 8:10

Onyini tendenn alaa oodwuli nyameɛso lɔen ne anwo, na otutuli ɛlɔen ne bie ne nzramaa ne bie guale ase, na otiatiale bɛ so.

Daniel 8:11

Ɔmomane ye nwo so dwɔso tiale safohene bɔ ɔla ɛlɔen ne noa ne; ɔberale ye daa biala naen yeralɛ afɔleɛ bɔ bɛbɔ bɛma ye ne, na ofindini ye nekaa krongron ne guale ase.

Daniel 8:12

Ɔnate mmeraatolɛ so mane ɛlɔen ne, yeɛ daa biala naen yeralɛ afɔleɛ ne oolili ye sa; ofindini nahorɛ tole ase, na bɔ ɔyɔle ne, onyane ngɔsoɛ.

Daniel 8:23

Na sɛ b’ahennie ne ɔbaawa ayieleɛ a, mmerɛ bɔ mmeraatolɛfoɛ nemɔ bɛ bɔne yɔleɛ ahɔ so paa ne, ɛhene atianuserɛniɛ bie, bɔ otira kanda nworɛ ɔ kodwɔso.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Nyekyire 17:17

Ofikyɛ Nyameɛ amaa banya adwene ko kyɛ bɛ́ma ye nhyehyɛleɛ bra nu, kyɛ bénya adwene ko, ná bɛfa b’ahennie ne bɛma kaka ne, kɔpem kyɛ Nyameɛ noa dwirɛ ne kɔwa nu ɔ.

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”