Daniel 8:23 - AHYERƐLƐ KRONGRON

²³ Na sɛ b’ahennie ne ɔbaawa ayieleɛ a, mmerɛ bɔ mmeraatolɛfoɛ nemɔ bɛ bɔne yɔleɛ ahɔ so paa ne, ɛhene atianuserɛniɛ bie, bɔ otira kanda nworɛ ɔ kodwɔso.

Daniel 8:23 Iomraidhean Croise

Gyenesise 15:16

Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

Anyandera 1:6

amaa ɔnate so bate anyandera ne nworɛ dwirɛ bo, nworɛfoɛ dwirɛ ne b’anyandera bo.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 38:8

Na ngyẽa pee asi ne, wɔ sa kɔhã tumi. Na afoɛ bɔ oli nziɛ nemɔ anu, ɛkɔɔfa koɛ kɔtoa maen bɔ wanya ye anwotɔ wafi ngrandɛ noa ne, maen bɔ maboaboa so ama noa wɔ Yisrael mmokaa so mafi maen maen pee so ne, mmokaa bɔ né bɛlela berɛ mbaen ne. Maen maen mɔ nu yeɛ mvale so ama mvili ɔ, na bɛ mukoraa bɛ so anu atɔ bɛ wɔ berɛ.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 11:21

“Busueniɛ bie kodwɔso kosi ye gya nu, bɔ ɔte sona bɔ bamva ahennie animnyam bia ne bamma ye ɔ. Okofu bɛ nu kɔwa, na ɔnate ye noa dwirɛ menemene so okole ahennie ne.

Daniel 11:24

Mvum nu, ɔkɔwa aseɛ ne aso nekaa mɔ bɔ aseɛ ne kye aleɛ ɔ, na ɔkɔyɔ bɔ ye baba mɔ ne ye nana mɔ banyɔ ye le ɔ. Ɔkɔhyɛ koɛ nu nningyein, koɛ nu nzesadeɛ ne anwodeɛ kɔma ye mmenia. Ɔkɔbɔ anwoserɛ afealeɛ mɔ nwo porɛ, nakoso ɛhe kɔhɔ so mmerɛ kãa bie.

Daniel 7:11

Ngɔle so nneane, ɔnate edwirɛ mbiri mbiri bɔ né mmɛen ne ɔkekã ne ati. Na nneane alaa kɔpem kyɛ behuni kaka ne ɔ, bɛsɛkyele ye fuin ne, na befindini bɛtole see bɔ ogye ɔ nu.

Daniel 7:20

Yeɛ ye ti so mmɛen buru nemɔ, mmɛen ko ne bɔ ofifili, bɔ bɛ nu nza bo tutuli maa ootuale berɛ, sɔ mmɛen ne bɔ ole anyeɛ ne noa bɔ ɔkekã edwirɛ mbiri mbiri, bɔ ye piri tra mmɛen ngaa nemɔ ne, né mepena kyɛ menwu kyɛbɔ ye bo kyire ɔ.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Daniel 8:22

Na mmɛen bɔ so buli bɔ mmɛen nna befifili ye gya nu ne, okyire kyɛ ahennie nna kodwɔso maen ne anu, nakoso b’anwoserɛ ngodwu ye deɛ ne.

Daniel 8:24

Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Numeri 24:24

Nakoso ɛlɛen mɔ kofi Kitim kɔwa, nu koɛhonɛfoɛ ne koli Asure ne Ebere so ngonim; na Kitim koso kɔbɔ afebɔɔ.”

Mateo 23:32

Ɛmɔ nana mɔ b’asusudeɛ ne, ɛmɔ koso ɛmɔhɔ so bewura ma oyi tɛkyɛ!

Deuteronomi 28:50

maen bɔ ye ti anu yɛ se, ye nye nzɔ aworowaa, ná onnwu ababunu koso anwumvoin ɔ.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.