Daniel 8:22 - AHYERƐLƐ KRONGRON

²² Na mmɛen bɔ so buli bɔ mmɛen nna befifili ye gya nu ne, okyire kyɛ ahennie nna kodwɔso maen ne anu, nakoso b’anwoserɛ ngodwu ye deɛ ne.

Daniel 8:22 Iomraidhean Croise

Daniel 11:4

Na sɛ onya nyinasoɛ yie a, afei ye ahennie ne kɔbɔ, na nu kɔhyehyɛ kɔhɔ nyameɛso mvrama nna nemɔ anu; nakoso ongooli ye bosofoɛ mɔ sa, yeɛ tumi bɔ bɛkɔfa bekoli hene ne ɔngɔyɛ kyɛ ye deɛ ne; ofikyɛ ye ahennie ne kogyigya, na okooli ebiemɔ mbaen bɛ sa nu.

Daniel 7:6

Na ɛhe asi ne, nneane, na nwuni kaka foforɛ bɔ ɔte kyɛ aboa ɔ. Né ole anomaa ndaa nna wɔ ye si; né kaka ne ti te nna, na bɛmane ye tumi.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Daniel 8:21

Na abɔngye nyii awerɔm ne, ogyi berɛ ma Hela hene; yeɛ mmɛen pirikua bie bɔ otua ye nye nemɔ b’afia ne, ogyi berɛ ma ɛhene bɔ oli moa ne.

Daniel 8:23

Na sɛ b’ahennie ne ɔbaawa ayieleɛ a, mmerɛ bɔ mmeraatolɛfoɛ nemɔ bɛ bɔne yɔleɛ ahɔ so paa ne, ɛhene atianuserɛniɛ bie, bɔ otira kanda nworɛ ɔ kodwɔso.

Daniel 8:3

Mmane me ti so, na yieee, nwuni boaen nyii bie kyɛ ogyi asue ne noa ɔ. Né ole mmɛen nyɔ, na mmɛen nyɔ ne, né bɛwoware, nakoso ko te tendenn tra ko, na bɔ ɔte tendenn ne yeɛ olili nziɛ wɔ bɛ fifilɛ ne anu ɔ.

Daniel 8:8

Yiti abɔngye nyii ne momane ye nwo so paa, nakoso mmerɛ bɔ ye anwoserɛ ne yɛle piri paa nen, mmɛen piri ne buli, na mmɛen mbiri mbiri nna fifili ye boso bɔ bɛ nye kyire nyameɛso mvrama nna ne ɔ.

Sakaria 6:1

Nza ndole me nye anwuro, na yieee, nwuni teaseɛnam nna kyɛ befi mmokaa nyɔ b’afia bɛba ɔ. Né mmokaa nemɔ te kɔɔbere mmokaa.