Daniel 8:16 - AHYERƐLƐ KRONGRON

¹⁶ Na ndele sona komvi wɔ asue Yulae noa, kyɛ ɔtea nu kyɛ, “Gabriel, kyire biaa ne nyekyire ne abo.”

Daniel 8:16 Iomraidhean Croise

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 10:21

Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 7:16

Mbingyele bɛ bɔ begyigyi berɛ nemɔ anu ko, na mmisale ye kyɛbɔ ɛhemɔ amukoraa bɛ bo kyire ɔ. Yiti ɔhã hyirele me, na ohyirehyirele nningyein ne anu hyirele me kyɛ,

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.

Sakaria 1:9

Yeɛ mmisale kyɛ, ‘Me mene, na ɛhemɔ, nzikyɛ ɛne?’ Yeɛ abɔfo bɔ né ɔne me dwudwo ne buale me kyɛ, ‘Ngohyire wɔ bɔ bɛte ɔ.’

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 1:26

Na nwonzɛen ne lili bosome nzia ne, Nyameɛ somane abɔfo Gabriel maa ɔhɔle Galilea kuro bie bɔ bɛfrɛ ye Nasarɛte so,

Asomafoɛ 10:13

Na komviɛ bie sele ye kyɛ, “Petro, dwɔso ná ku bɛ di!”

Asomafoɛ 9:7

Mmenia bɔ né bɛ ne Sɔɔlo tu atee ne gyinane, bɛtotɔle mmobo; ofikyɛ bɛtele edwudwolɛ ne de, nakoso bannwu sona biala.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Nyekyire 1:12

Na ngakyili me nwo kyɛ menea komviɛ bɔ odwudwo kyire me ne, na mbɛle me nye ne, nwuni esikaa kɔkorɛ kanea bakaa nzoo;

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”