Daniel 8:15 - AHYERƐLƐ KRONGRON

¹⁵ Na me, Daniel, nyane nyekyire ne, ná nyɛle m’adwene kyɛ ngɔte ye bo nen, mvum nu, nwuni ebie bɔ ye sue te kyɛ sona ɔ kyɛ ogyi me nyunu berɛ ɔ.

Daniel 8:15 Iomraidhean Croise

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Daniel 10:16

Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 10:18

Na ebie bɔ ye sɛso te kyɛ kuro sona ɔ ɔfale ye sa hane me, na ɔmane me nwo yɛle me se.

Daniel 10:5

Ndole me nye anwuro nneane, na nwuni biaa bie bɔ ɔhera nwera bɔ wafa Yufase sikaa kɔkorɛ wayɛ abɔsoɛ ɔ.

Daniel 12:8

Ndele, nakoso mande ye bo, yiti mmisale kyɛ, “O me mene, sɛɛ yeɛ ɛhemɔ bekooyie ɔ?”

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Daniel 7:28

“Edwirɛ ne, ye ayieleɛ ɛne. Na me, Daniel de, edwirɛ ne hale me paa, me nwo yɛle me basaa, nakoso mvale edwirɛ ne nziele me ti anu.”

Daniel 8:1

Nana Bɛlsasa ahennie afoɛ bɔ ɔtɔ so nza ne anu, me Daniel, nyane nyekyire bie, na ɛhe sili wɔ nyekyire bɔ nnili moa nyane ye ne asi.

Daniel 8:19

Na osele kyɛ, “Tie, ahonehulɛ ne ba ayieleɛ a, bɔ okosi ne, mebaala ye ali mekyire wɔ, ofikyɛ ɔfa ayieleɛ mmerɛ bɔ bahyehyɛ bato berɛ ne anwo.

Sakaria 1:9

Yeɛ mmisale kyɛ, ‘Me mene, na ɛhemɔ, nzikyɛ ɛne?’ Yeɛ abɔfo bɔ né ɔne me dwudwo ne buale me kyɛ, ‘Ngohyire wɔ bɔ bɛte ɔ.’

Mateo 13:36

Yesu yakyili ɛlɔen ne ate, na ɔhɔle awuro. Na ye asuafoɛ nemɔ wale ye berɛ beebisale ye kyɛ, “Kyire yɛ ngyɛngyɛma anyandera ne abo.”

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”

Nyekyire 1:13

na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.

Nyekyire 13:18

Ɛhe hia ma nworɛ. Ebiala bɔ ole ndeaseɛ ne, ɔsɛ kyɛ ɔsesẽ kaka ne ngondaa ne, ofikyɛ ɔte sona ngondaa, na ye ngondaa ne te ɛyaa nzia ne aburasia ne nzia.