Daniel 8:13 - AHYERƐLƐ KRONGRON

¹³ Yeɛ ndele kyɛ krongronniɛ bie odwudwo, na krongronniɛ ko koso bisale bɔ odwudwole ne kyɛ, “Daa biala naen yeralɛ afɔleɛ ne, musuebɔlɛ mmeraatolɛ ne, nekaa krongron berɛ bɔ waali ye sa ne, yeɛ ɛlɔen ne bɔ otiatiale bɛ so ne nwo nyekyire ne, mmerɛ beni yeɛ ɔkɔhɔ so koodwu ɔ?”

Daniel 8:13 Iomraidhean Croise

Edwein 74:10

Ao Nyameɛ, bɛ bɔ bekyi wɔ ne, kyinzu koraa yeɛ bɛ ngorohoɛ ne okoodwu ɔ? Pɔfoɛ ne, aso ɔkɔsɛkye wɔ dumaa afebɔɔ anaa?

Edwein 74:9

Yɛnnwu yɛ frangaa nemɔ; ngɔmhyɛlɛniɛ biala nne berɛ ko; na yɛ nu biala nze kyẽa bɔ ɛhe bo kɔpɛ ɔ.

Edwein 79:5

Ao AWURADE, ɔkwaapem kyinzu? Aso ɛkɔfɛ yɛ so yaa afebɔɔ anaa? Wɔ nungunɛhwenɛ ne, aso okogye kyɛ see?

Yesaya 28:18

Afei ɛmɔ ne ewue b’apam ne, okokyikyi kofi berɛ, ɛmɔ ne ɛborɔ bɛ nhyehyɛleɛ ne, ongogyina. Na sɛ mbire bɔ ye noa yɛ yea tra so ne ɔbaapɛ nu a, okohwi kɔfa ɛmɔ so.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Yesaya 63:18

Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 12:10

Neafoɛ pee basɛkye me bobe boo ne, bahwi bafa me bue deɛ so, me bue deɛ nyemenenyemene ne, basɛkye ye pasaa.

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 12:11

Na ofi mmerɛ bɔ bɛkɔbera daa biala naen yeralɛ afɔleɛ ne, ɔne mmerɛ bɔ bekogyina akyiwadeɛ bɔ ɔbɔ maen ne nen, ɔkɔyɛ ngyẽa apee ko ɛyaa nyɔ ne aburahona.

Daniel 12:8

Ndele, nakoso mande ye bo, yiti mmisale kyɛ, “O me mene, sɛɛ yeɛ ɛhemɔ bekooyie ɔ?”

Daniel 4:10

Bɔ nwuni ye wɔ me laleɛ ne anu, mmerɛ bɔ né nna mba so ne, ye ɛhe: Nwuni bakaa bie kyɛ ogyi aseɛ afia, na né ɔwale paa.

Daniel 4:13

“Bɔ nwuni ye wɔ me laleɛ nu wɔ me mba so ne, mvum nu, wɛmvoɛ krongronniɛ bie fili nyameɛso dwu wale.

Daniel 4:23

Nana, enwuni wɛmvoɛ krongronniɛ bie bɔ ofili nyameɛso dwu wale oosele kyɛ, ‘Ɛ́mɔbu bakaa ne bɛ́to ase bɛ́sɛkye ye, nakoso ye dosii ndii ne de, ɛ́mɔyakyi ye wɔ aseɛ ne anu, ɛ́mɔfa buralɛ nyamaa ne kɔɔbere nyamaa bɛ́kyekye ye wɔ ndire frɔmfrɔm nu; ná ɛ́mɔma nyameɛso bosue ɔloa ye, ná ɛ́mɔma ɔne eburo ngaka beli aseɛ so ndire ma afoɛ nzoo hɔ bra ɔɔto ye.’

Daniel 7:16

Mbingyele bɛ bɔ begyigyi berɛ nemɔ anu ko, na mmisale ye kyɛbɔ ɛhemɔ amukoraa bɛ bo kyire ɔ. Yiti ɔhã hyirele me, na ohyirehyirele nningyein ne anu hyirele me kyɛ,

Daniel 7:23

“Na ohyirele ye bo kyɛ, ‘Kaka bɔ ɔtɔ so nna ne, ɔkɔyɛ ahennie bɔ ɔtɔ so nna wɔ aseɛ so, nzonzoleɛ kɔwa ye ne ahennie amukoraa nu, okoli aseɛ amukoraa so ngonim, okotiatia so ná wasɛkye ye pasapasa.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Sakaria 1:19

Yeɛ mmisale abɔfo bɔ ɔne me dwudwole ne kyɛ, “Na ɛhemɔ, nzikyɛ ɛne?” Na obuale me kyɛ, “Ɛhemɔ ole mmɛen bɔ bɛbɔle Yuda, Yisrael ne Yerusalem bɛsandele ne.”

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Luka 21:20

“Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

Yuda 1:14

Na sɔ mmenia nemɔ yeɛ Henɔke, bɔ ɔte aworɛ ndoatoasoɛ nzoo fi Adam so ne, ɔhyɛle ngɔm fale bɛ nwo kyɛ, “Tie, Awurade ne ye anwoteefoɛ apee apee bɛ́ba;

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”

Maenbulɛfoɛ 13:18

Nakoso AWURADE abɔfo ne buale ye kyɛ, “Nzu ati yeɛ ebisa me dumaa ɔ? Me dumaa ne te dumaa bɔ ɔyɛ nwanwa paa ɔ.”