Daniel 8:11 - AHYERƐLƐ KRONGRON

¹¹ Ɔmomane ye nwo so dwɔso tiale safohene bɔ ɔla ɛlɔen ne noa ne; ɔberale ye daa biala naen yeralɛ afɔleɛ bɔ bɛbɔ bɛma ye ne, na ofindini ye nekaa krongron ne guale ase.

Daniel 8:11 Iomraidhean Croise

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Yeremia 48:26

Ɛ́mɔma ɔbo (nzaa), ofikyɛ ɔmomane ye nwo so hyirele AWURADE. Yiti Moabo kɔla ye feɛ nu, na ye koso bɛkɔgoro ye nwo.

Yeremia 48:42

Na bɛkɔbɔ Moabo bɔ ɔngɔyɛ maen ko ɔ, ofikyɛ wama ye nwo so watia AWURADE.

Hesekiel 46:14

Bɔ ye nwo aleɛ afɔleɛ ngyerɛmɔ biala, graa ko ye ngyɛmuɛ nzia, ɔne ngoo galɔn ko ye ngyɛmuɛ nza bɔ bɛkɔfa bɛkɔfɔre esam paa ne ɔ, ná ɔyɛ daa biala aleɛ afɔleɛ ma AWURADE, nhyehyɛleɛ bɔ ɔla berɛ daa hɔ ɛne.

Daniel 11:22

Ɔkɔprapra ye pɔfoɛ koɛhonɛfoɛ nemɔ bɛ boso bɔkɔɔ, okohũhũ bɛ ne apam ne anu sona titire ne.

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 12:11

Na ofi mmerɛ bɔ bɛkɔbera daa biala naen yeralɛ afɔleɛ ne, ɔne mmerɛ bɔ bekogyina akyiwadeɛ bɔ ɔbɔ maen ne nen, ɔkɔyɛ ngyẽa apee ko ɛyaa nyɔ ne aburahona.

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 8:12

Ɔnate mmeraatolɛ so mane ɛlɔen ne, yeɛ daa biala naen yeralɛ afɔleɛ ne oolili ye sa; ofindini nahorɛ tole ase, na bɔ ɔyɔle ne, onyane ngɔsoɛ.

Daniel 8:24

Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Numeri 28:3

Na se bɛ kyɛ, afɔleɛ bɔ bɛbɔ ye see so bɔ odi kyɛ ɛmɔbɔ bɛma AWURADE ne ɛhe: daa biala, ɛ́mɔfa mmoaen nyii nyɔ bɔ bali afoɛ ngoko, bɔ bellili nnɛen biala ɔ, bɛbɔ afɔleɛ.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”