Daniel 8:10 - AHYERƐLƐ KRONGRON

¹⁰ Onyini tendenn alaa oodwuli nyameɛso lɔen ne anwo, na otutuli ɛlɔen ne bie ne nzramaa ne bie guale ase, na otiatiale bɛ so.

Daniel 8:10 Iomraidhean Croise

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yeremia 48:26

Ɛ́mɔma ɔbo (nzaa), ofikyɛ ɔmomane ye nwo so hyirele AWURADE. Yiti Moabo kɔla ye feɛ nu, na ye koso bɛkɔgoro ye nwo.

Daniel 11:28

Ɔkɔfa nningyein bɔ wasesa ɔ pee kosa kɔhɔ ye aseɛ so, na okotu ye nye kosie apam krongron ne aso, bɔ okuro yeɛ ɔkɔyɔ ɔ, ná afei okosa kɔhɔ ye bɔbɔ ye aseɛ so.

Daniel 11:30

Ofikyɛ Kitim ɛlɛen mɔ kɔho kotia ye, na ye abasa nu kobu maa okosa ye si. Osa ye si a, ɔkɔfa ye anyeborolɛ kogua apam krongron ne aso. Osa ye si a, ɔne mmenia bɔ bayakyi apam krongron ne aso lilɛ ne bɛkɔbɔ nu bɛkɔyɛ ko.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Daniel 8:7

Nwuni kyɛ waadwu boaen nyii ne anwo berɛ, ɔfɛle ye so yaa piri, na osili boaen nyii ne bubuli ye mmɛen nyɔ ne anu. Boaen nyii ne annya anwoserɛ wangyina ye nyunu, na abɔngye ne pemone ye tole berɛ tiatiale ye so, na ebiala angora wanne boaen nyii ne wamvi ye sa nu.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.