Daniel 7:8 - AHYERƐLƐ KRONGRON

⁸ Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Daniel 7:8 Iomraidhean Croise

Edwein 12:3

AWURADE, bɛ bɔ bɛdɛfɛdɛfɛ ne, kã bɛ noa to nu, yeɛ bɛ bɔ bɛfa bɛ noa bɛkã anwomasoɛ dwirɛ mbiri ne,

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 7:19

“Na kaka bɔ ɔtɔ so nna, bɔ nzonzoleɛ wɔ ye ne bɛ ngaa ne amukoraa nu, bɔ ye nwo yɛ suro paa, bɔ ye gye te buralɛ, bɔ ye gya ne ye sa boen te kɔɔbere, bɔ oku ná ɔtete nu pasapasa, ná otiatia ye ngaa ne aso ne, né mepena kyɛ menwu kyɛbɔ ye bo kyire ɔ.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

2 Timoteo 3:2

Ofikyɛ mmenia kɔyɛ pɛsɛmangomenya, sikanyeboro, anwohoahoa, anwomasoɛ, musue dwirɛ kekanɛfoɛ, bɛkɔyɛ awofoɛ so asoserɛ, boniayɛfoɛ, mmenia bɔ bɛmva krongronyɛlɛ bɛnyɛ huu,

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 9:7

Na mmɛbɛ mbiri nemɔ, bɛ sue te kyɛ mbɔngɔ bɔ basiesie bɛ bama koɛ ɔ; nikyee bie wɔ bɛ ti so bɔ ɔte kyɛ sikaa kɔkorɛ abotire ɔ, na bɛ nyunu soma sona nyunu;

1 Samuel 2:3

Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.