Daniel 7:7 - AHYERƐLƐ KRONGRON

⁷ Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Daniel 7:7 Iomraidhean Croise

2 Samuel 22:43

Ndini bɛ muhumuhu kyɛ aseɛnwo mvuture, na ndiatiale bɛ so nwɔle bɛ kyɛ dwaaso nnɛterɛ.

YOB NWOMAA NE 41:14

Nwa yeɛ ɔkɔhora kobukye ye awogyee nu ɔ? Ye gye bɔ ogua ye noa nu amukoraa ɔyɛ suro.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Daniel 7:2

Daniel nwa nyoo, “Nwuni ye wɔ me nyekyire ne anu kɔngɔen ne, yieee, nyameɛso mvrama nna nemɔ betuli ɛpo piri ne aso bɛmaa ɔyɛle bagyabagya.

Daniel 8:10

Onyini tendenn alaa oodwuli nyameɛso lɔen ne anwo, na otutuli ɛlɔen ne bie ne nzramaa ne bie guale ase, na otiatiale bɛ so.

Daniel 8:22

Na mmɛen bɔ so buli bɔ mmɛen nna befifili ye gya nu ne, okyire kyɛ ahennie nna kodwɔso maen ne anu, nakoso b’anwoserɛ ngodwu ye deɛ ne.

Sakaria 2:1

Ndole me nye anwuro bieku nneane, na yieee, nwuni biaa bie bɔ otira nyamaa bɔ bɛfa besusu nikye ɔ.

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 17:12

“Na mmɛen buru bɔ enwuni bɛ ne, bɛte ahemvo buru bɔ bɛ sa onnya ɔhhane ahennie ɔ, nakoso bɛne kaka ne bekonya tumi kyɛ ahemvo dɔnhwere ko.

Nyekyire 17:7

Na abɔfo ne bisale me kyɛ, “Nzu ati yeɛ ɔyɛ wɔ nwanwa ye? Na braa ne ne kaka bɔ ɔsoa ye, bɔ ole tire nzoo ne mmɛen buru ne, ngɔhã bɛ nwo mvealeɛ nu dwirɛ ngohyire wɔ.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.