Daniel 7:6 - AHYERƐLƐ KRONGRON

⁶ Na ɛhe asi ne, nneane, na nwuni kaka foforɛ bɔ ɔte kyɛ aboa ɔ. Né ole anomaa ndaa nna wɔ ye si; né kaka ne ti te nna, na bɛmane ye tumi.

Daniel 7:6 Iomraidhean Croise

Hesekiel 17:3

Kã kyɛ, AWURADE Nyameɛ nwa nyoo: Kɔleɛ kandinga bie, bɔ ole ndaa ngandinga ne ndɛkra ndendenn, bɔ ndɛkra woronworaen wɔ ye nwo amu ɔ ɔwale Lebanon. Obumane sida bakaa ne kɔme anu,

Daniel 10:20

Yeɛ obisale kyɛ, “Aso ɛse nikyee bɔ yiti yeɛ mawa wɔ berɛ ye? Afei de, ngosa ngɔhɔ me ne Pɛsia katakyie ne yɛkɔɔho, na sɛ mesi nu mekɔ a, tie, Hela katakyie ne kɔwa.

Daniel 2:39

Efi berɛ a, ahennie bieku bɔ ye tumi ndwu wɔ deɛ ne ɔ kodwɔso; yeɛ afei ahennie bieku bɔ ɔtɔ so nza ɔ kɔwa bɔ ye ole kɔɔbere ne, na okoli hene wɔ aseɛ so amukoraa.

Daniel 7:4

Né bɔ oli moa ne te kyɛ gyata, na né ole kɔleɛ ndaa. Na ngu so bɔ menea ne, betutuli ye ndaa nemɔ, bɛmane ye so befili aseɛnwo, bɛmaa ogyinane agyirɛ nyɔ so kyɛ sona, na bɛmane ye sona adwene.

Daniel 7:5

Nwuni kaka bɔ ɔtɔ so nyɔ ɔ, na né ɔte kyɛ kwabrafo. Né wadwɔso wagyina berɛ watɔ wahɔ ye bue ko; né amveɛ mbaleɛ nza wura ye noa nu, wɔ ye gye nemɔ b’afia. Na besele ye kyɛ, ‘Dwɔso di naen pee!’

Hosea 13:7

Yiti ngɔyɛ bɛ so kyɛ gyata, ngɔyɛ kyɛ aboa ngɔtetɛ bɛ wɔ atee noa.

Nyekyire 13:2

Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.