Daniel 7:28 - AHYERƐLƐ KRONGRON

²⁸ “Edwirɛ ne, ye ayieleɛ ɛne. Na me, Daniel de, edwirɛ ne hale me paa, me nwo yɛle me basaa, nakoso mvale edwirɛ ne nziele me ti anu.”

Daniel 7:28 Iomraidhean Croise

Gyenesise 37:10

Nakoso Yosef hane ɛhe hyirele ye baba ne oliɛma mmienzua nemɔ nen, ye baba teateane ye, na osele ye kyɛ, “Nzikyɛ laleɛ yeɛ ahye ye? Ekyire kyɛ me ne eni ne eliɛma mmienzua mɔ kɔɔkoto wɔ nyunu anaa?”

Gyenesise 37:11

Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

Daniel 10:16

Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 10:8

Yiti ɔhale me ngome twe wɔ berɛ bɔ né menea nyekyire ne ɔ. Me nwo ngaka tu minini, mmɔle fuin bɔkɔɔ, na me nwo yɛle me hodwoo.

Daniel 11:27

Nakoso ahemvo nyɔ nemɔ de, nzɛmmɔne yeɛ ɔkɔwa bɛ ti anu ɔ, na bɛkɔtena didipono ko anwo bɛkɔhã ngondombo dwirɛ; nakoso bɛ porɛbɔlɛ ne kɔyɛ mbaen, ofikyɛ mmerɛ bɔ bahyehyɛ bato berɛ ne dwu a, yeɛ b’ayieleɛ kɔwa ɔ.

Daniel 12:13

Nakoso wɔ de, kɔ w’atee maa oodwu ayieleɛ ne; ekole wɔ nwome, na ayieleɛ mmerɛ ne dwu a, ekodwɔso konya wɔ kyɛfa bɔ bahyehyɛ bato berɛ bama wɔ ne.”

Daniel 12:9

Na obuale kyɛ, “Daniel, wɔ de kɔ, ofikyɛ edwirɛ nemɔ te mvealeɛ nu dwirɛ, na bafa nzɔanoɛ basɔ ye noa kɔpem ayieleɛ mmerɛ ne.

Daniel 4:16

Kuro sona adwene bɔ ole ye ne, okotu komini, na bɛkɔma ye kaka adwene toonn kɔma afoɛ nzoo kɔwa kɔɔto ye.

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 5:6

Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Daniel 7:15

“Me, Daniel, me sunzum wora bɔle wɔ me nu, na nyekyire bɔ nwuni ye ne hale me.

Daniel 8:1

Nana Bɛlsasa ahennie afoɛ bɔ ɔtɔ so nza ne anu, me Daniel, nyane nyekyire bie, na ɛhe sili wɔ nyekyire bɔ nnili moa nyane ye ne asi.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Daniel 8:19

Na osele kyɛ, “Tie, ahonehulɛ ne ba ayieleɛ a, bɔ okosi ne, mebaala ye ali mekyire wɔ, ofikyɛ ɔfa ayieleɛ mmerɛ bɔ bahyehyɛ bato berɛ ne anwo.

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Marko 9:15

Na ɛlɔen ne amukoraa nwuni ye nen, berɛ ne ala, bɛ nwo dwirili bɛ paa, na betuli amirika bɛɛyɛle ye akwaaba.

Luka 2:19

Na Maria de, ɔfale edwirɛ hemɔ amukoraa siele, na ɔdwenene ye nwo wɔ ye ti anu.

Luka 2:51

Na ɔne bɛ besa bɛhɔle Nasarɛte, na ɔbrɛle ye nwo ase mane bɛ. Na ye maame fale edwirɛ hemɔ amukoraa siele ye ti anu.

Luka 9:44

“Ɛ́mɔma edwirɛ bɔ mebaahã ye ɔhɔ ɛmɔ so anu; ofikyɛ bɛbaaye Sona Awa ne bewura mmenia sa.”