Daniel 7:24 - AHYERƐLƐ KRONGRON

²⁴ Na mmɛen buru nemɔ, ahemvo buru kodwɔso wɔ sɔ ahennie ne anu, na nziɛ ye, ɛhene foforɛ kodwɔso wɔ bɛ si; nzonzoleɛ kɔwa ye ne bɛ bɔ beli moa ne anu, na okoli ahemvo nza so ngonim.

Daniel 7:24 Iomraidhean Croise

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 2:41

Na ye gya tasaa ne ye gya mmɛseka bɔ enwuni kyɛ ye bue te ngukuenwonɛniɛ ɛfaa, ná ye bue koso te buralɛ ne, sɔ ala yeɛ ahennie ne anu kɔhyehyɛ ɔ; nakoso buralɛ n’anwoserɛ ne bie kɔha nu, kyɛbɔ enwuni kyɛ buralɛ ne ɛfaa bali afra ne ala.

Daniel 7:20

Yeɛ ye ti so mmɛen buru nemɔ, mmɛen ko ne bɔ ofifili, bɔ bɛ nu nza bo tutuli maa ootuale berɛ, sɔ mmɛen ne bɔ ole anyeɛ ne noa bɔ ɔkekã edwirɛ mbiri mbiri, bɔ ye piri tra mmɛen ngaa nemɔ ne, né mepena kyɛ menwu kyɛbɔ ye bo kyire ɔ.

Daniel 7:23

“Na ohyirele ye bo kyɛ, ‘Kaka bɔ ɔtɔ so nna ne, ɔkɔyɛ ahennie bɔ ɔtɔ so nna wɔ aseɛ so, nzonzoleɛ kɔwa ye ne ahennie amukoraa nu, okoli aseɛ amukoraa so ngonim, okotiatia so ná wasɛkye ye pasapasa.

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.