Daniel 7:23 - AHYERƐLƐ KRONGRON

²³ “Na ohyirele ye bo kyɛ, ‘Kaka bɔ ɔtɔ so nna ne, ɔkɔyɛ ahennie bɔ ɔtɔ so nna wɔ aseɛ so, nzonzoleɛ kɔwa ye ne ahennie amukoraa nu, okoli aseɛ amukoraa so ngonim, okotiatia so ná wasɛkye ye pasapasa.

Daniel 7:23 Iomraidhean Croise

Daniel 2:40

Afei ahennie bɔ ɔtɔ so nna ne, ye nwo kɔyɛ se kyɛ buralɛ. Na kyɛbɔ buralɛ bubu nningyein, ná ɔnyoko bɛ mukoraa ne, sɔ ala yeɛ ahennie bɔ ɔtɔ so nna ne okobubu bɛ mukoraa kɔnyoko bɛ ɔ.

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Daniel 7:24

Na mmɛen buru nemɔ, ahemvo buru kodwɔso wɔ sɔ ahennie ne anu, na nziɛ ye, ɛhene foforɛ kodwɔso wɔ bɛ si; nzonzoleɛ kɔwa ye ne bɛ bɔ beli moa ne anu, na okoli ahemvo nza so ngonim.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Luka 2:1

Mmerɛ sɔ ne anu, Kaesare Augusto hyɛle mmeraa kyɛ bɛha ewiase mmenia amukoraa, ná bɛhyerɛ bɛ dumaa.