Daniel 7:21 - AHYERƐLƐ KRONGRON

²¹ Na ngu so bɔ menea ne, sɔ mmɛen ne fale koɛ toale anwoteefoɛ nemɔ, na olili bɛ so ngonim,

Daniel 7:21 Iomraidhean Croise

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 12:7

Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 7:20

Yeɛ ye ti so mmɛen buru nemɔ, mmɛen ko ne bɔ ofifili, bɔ bɛ nu nza bo tutuli maa ootuale berɛ, sɔ mmɛen ne bɔ ole anyeɛ ne noa bɔ ɔkekã edwirɛ mbiri mbiri, bɔ ye piri tra mmɛen ngaa nemɔ ne, né mepena kyɛ menwu kyɛbɔ ye bo kyire ɔ.

Daniel 8:12

Ɔnate mmeraatolɛ so mane ɛlɔen ne, yeɛ daa biala naen yeralɛ afɔleɛ ne oolili ye sa; ofindini nahorɛ tole ase, na bɔ ɔyɔle ne, onyane ngɔsoɛ.

Daniel 8:24

Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Daniel 8:9

Mmɛen nemɔ anu, mmɛen kaaba bie fifili fili ko anu, onyini yɛle piri paa mane ye nye hyirele ngwaen, eyia afiteleɛ ne aseɛ nyemenenyemene ne.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.

Nyekyire 19:19

Na nwuni kyɛ kaka ne ne aseɛ so ahemvo ne bɛ lɔen baboaboa bɛ noa, kyɛ bɛkwaafa koɛ bɛteta bɔ ɔte pɔngɔ ne aso ne ɔne ye lɔen.