Daniel 7:20 - AHYERƐLƐ KRONGRON

²⁰ Yeɛ ye ti so mmɛen buru nemɔ, mmɛen ko ne bɔ ofifili, bɔ bɛ nu nza bo tutuli maa ootuale berɛ, sɔ mmɛen ne bɔ ole anyeɛ ne noa bɔ ɔkekã edwirɛ mbiri mbiri, bɔ ye piri tra mmɛen ngaa nemɔ ne, né mepena kyɛ menwu kyɛbɔ ye bo kyire ɔ.

Daniel 7:20 Iomraidhean Croise

Daniel 7:11

Ngɔle so nneane, ɔnate edwirɛ mbiri mbiri bɔ né mmɛen ne ɔkekã ne ati. Na nneane alaa kɔpem kyɛ behuni kaka ne ɔ, bɛsɛkyele ye fuin ne, na befindini bɛtole see bɔ ogye ɔ nu.

Daniel 7:19

“Na kaka bɔ ɔtɔ so nna, bɔ nzonzoleɛ wɔ ye ne bɛ ngaa ne amukoraa nu, bɔ ye nwo yɛ suro paa, bɔ ye gye te buralɛ, bɔ ye gya ne ye sa boen te kɔɔbere, bɔ oku ná ɔtete nu pasapasa, ná otiatia ye ngaa ne aso ne, né mepena kyɛ menwu kyɛbɔ ye bo kyire ɔ.

Daniel 7:21

Na ngu so bɔ menea ne, sɔ mmɛen ne fale koɛ toale anwoteefoɛ nemɔ, na olili bɛ so ngonim,

Daniel 7:23

“Na ohyirele ye bo kyɛ, ‘Kaka bɔ ɔtɔ so nna ne, ɔkɔyɛ ahennie bɔ ɔtɔ so nna wɔ aseɛ so, nzonzoleɛ kɔwa ye ne ahennie amukoraa nu, okoli aseɛ amukoraa so ngonim, okotiatia so ná wasɛkye ye pasapasa.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.