Daniel 7:15 - AHYERƐLƐ KRONGRON

¹⁵ “Me, Daniel, me sunzum wora bɔle wɔ me nu, na nyekyire bɔ nwuni ye ne hale me.

Daniel 7:15 Iomraidhean Croise

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Yeremia 17:16

Nakoso me de, neafoɛ adwuma bɔ ɔkɔmaa ngoli wɔ si ne, mannwati mamvi ye nwo, yeɛ musue kyẽa ne, nnneane ye ate; wɔ bɔbɔ ɛse. Bɔ ofi me noa wale ne, ɔla wɔ nyunu.

Daniel 10:16

Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 2:1

Nebukadenesa ahennie afoɛ bɔ ɔtɔ so nyɔ ne anu ne, ɔhyehyene laleɛ mɔ, na ɔhale ye sunzum, na nnafelɛ fili ye nye so.

Daniel 2:3

Yeɛ Nana sele bɛ kyɛ, “Mahye laleɛ bie; ɔha me sunzum, bɔ mepena kyɛ mekaye laleɛ ne ná mete ye bo ɔ.”

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 7:1

Babilɔn hene Bɛlsasa ahennie afoɛ bɔ oli moa ne anu, Daniel hyene laleɛ, na onyane nyekyire wɔ mmerɛ bɔ né ɔla ye bɛen so ɔ. Na afei ɔhyerɛle laleɛ ne, na ɔbɔle nu dwirɛ ne porɛ.

Daniel 7:28

“Edwirɛ ne, ye ayieleɛ ɛne. Na me, Daniel de, edwirɛ ne hale me paa, me nwo yɛle me basaa, nakoso mvale edwirɛ ne nziele me ti anu.”

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.

2 Petro 1:14

ofikyɛ mese kyɛ, ɔngɔhyɛ biala, bɛkɔye ɛtena sua ne bekofi me nwo, kyɛbɔ y’Awurade Yesu Kristo wala ye ali wahyire me ne.