Daniel 7:14 - AHYERƐLƐ KRONGRON

¹⁴ Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:14 Iomraidhean Croise

Edwein 102:22

wɔ mmerɛ bɔ maen maen mɔ ne ahennie mɔ bɛkɔboa bɛ noa kyɛ bɛsɔne AWURADE ɔ.

Edwein 103:19

AWURADE afa ye ahennie bia watimu anwuro, na ye ahennie di nikyee biala so.

Edwein 145:13

W’ahennie ne te daa ahennie, na wɔ tumi ne wɔ berɛ wɔ aworɛ ndoatoasoɛ amukoraa nu. [AWURADE di nahorɛ wɔ ye dwirɛ amukoraa nu, na onwu anwumvoin wɔ nikyee biala bɔ ɔyɔ ɔ nu].

Edwein 146:10

AWURADE koli hene afebɔɔ, ao Sion, wɔ Nyameɛ di hene aworɛ ndoatoasoɛ amukoraa nu. Ɛ́mɔye AWURADE ayɛ!

Edwein 45:6

“O Nyameɛ, w’ahennie bia wɔ berɛ afebɔɔ! W’ahennie hɔtɔ ne, ɔte pɛpɛɛpɛyɛlɛ hɔtɔ.

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 8:6

Ama ye tumi wɔ wɔ sa noa nnwumaa so, afa nningyein amukoraa awura ye gya bo:

Yesaya 16:5

yeɛ bɛkɔfa ahennie bia ne bekotimu berɛ wɔ ɔdɔ nu ɔ, na ɔkɔtena so nahorɛlilɛ nu wɔ Dawide ɛtena sua nu, ɔte ebie bɔ ɔfa pɛpɛɛpɛyɛlɛ obu maen ɔ, na okobua ndɛen turoloo ndɛndɛ.

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Daniel 2:35

Afei buralɛ ne, ɛfaa ne, kɔɔbere ne, ɛdwetɛ ne ne sikaa kɔkorɛ ne, bɛ nu bubuli nyokonyoko komapɛ, na bɛyɛle kyɛ ahuhuro mmerɛ nu afafu bɔ ɔwɔ nekaa bɔ bɛboro aburoo ɔ; na mvrama bɔle bɛ hɔle bɔ bɛ boso minini ɔ. Nakoso nyɔboɛ bɔ ɔɔbɔle sonaluwaa ne de, ɔyɛle bokaa kandinga, na oyili aseɛ so tɛkyɛ.

Daniel 2:37

Wɔ, Nana, ɛte ahemvo mɔ bɛ nu hene bɔ nyameɛso Nyameɛ ne wafa ahennie, tumi, anwoserɛ ne animnyam wama wɔ ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 3:4

Yeɛ dawurebɔlɛniɛ ne teane nu serɛserɛ kyɛ, “Maen maen mɔ ee, mmenia ne edwudwolɛ mɔ ee, ahyɛdeɛ ne ole kyɛ,

Daniel 4:3

Kyɛbɔ ye nzɛngyerɛnneɛ osi te mbiri mbiri ɔ! Kyɛbɔ anwoserɛ osi wɔ ye anwanwadeɛ nu ɔ! Ye ahennie te ahennie afebɔɔ, na ye tumi wɔ berɛ wɔ aworɛ ndoatoasoɛ amukoraa nu.

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Luka 1:33

na okoli Yakob awuro so hene afebɔɔ, na ye ahennie ne olle ayieleɛ.”

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 12:34

Na ɛlɔen ne buale ye kyɛ, “Yɛ de, yate yafi mmeraa ne anu kyɛ Kristo ne kɔtena ase daa; na ɔyɛle sɛɛ bɔ ɛnwa: Ɔsɛ kyɛ bɛma Sona Awa ne so ɔ? Nwa ole Sona Awa he?”

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Hebrifoɛ 12:28

Na ɔnate kyɛ yanya Ahennie bɔ ɔnwoso ne ati, ɛ́mɔma yɛ́fa asennaa yɛma Nyameɛ ná yɛfa esuronyi ne ebuo yɛsɔne ye kyɛbɔ ɔsɔ anyeɛ ɔ,

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.