Daniel 7:13 - AHYERƐLƐ KRONGRON

¹³ Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Daniel 7:13 Iomraidhean Croise

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 2:8

Bisa me, na ngɔma maen maen mɔ kɔyɛ w’agyapadeɛ, ná ofi aseɛ ti bɔ ɔkwaahã ye ti ayɛ wɔ deɛ.

Edwein 47:5

Esebɔlɛ nu yeɛ Nyameɛ fa fo kɔ anwuro ɔ, totorobɛndohulɛ nu yeɛ AWURADE ɔfa fo kɔ ɔ.

Yeremia 49:19

Ɛ́mɔtie, ɔkɔwa kyɛ gyata bɔ ofi Yɔɔdan ɛhɔayeɛ nu, bɔ ɔba bako tia anwoserɛfoɛ atenaleɛ ne ɔ, nakoso mvum nu, ngɔma Edom kofi berɛ kɔnwati. Na sona bɔ maneanea nu maye ne, ngɔfa berɛ ngowura ye sa. Na nwa yeɛ ɔte kyɛ me ɔ? Nwa yeɛ ɔkɔhora kobisa me dwirɛ ɔ? Na mmoaenneafoɛ beni yeɛ ɔkɔhora me nyunu gyina ɔ?

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:12

Na ngaka ngaa nemɔ koso de, belele bɛ sa nu tumi ne, nakoso bɛhyɛle mmerɛ kãa bɛmane bɛ maa bɛtenane ase.

Daniel 7:2

Daniel nwa nyoo, “Nwuni ye wɔ me nyekyire ne anu kɔngɔen ne, yieee, nyameɛso mvrama nna nemɔ betuli ɛpo piri ne aso bɛmaa ɔyɛle bagyabagya.

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Daniel 8:15

Na me, Daniel, nyane nyekyire ne, ná nyɛle m’adwene kyɛ ngɔte ye bo nen, mvum nu, nwuni ebie bɔ ye sue te kyɛ sona ɔ kyɛ ogyi me nyunu berɛ ɔ.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Yohane 12:34

Na ɛlɔen ne buale ye kyɛ, “Yɛ de, yate yafi mmeraa ne anu kyɛ Kristo ne kɔtena ase daa; na ɔyɛle sɛɛ bɔ ɛnwa: Ɔsɛ kyɛ bɛma Sona Awa ne so ɔ? Nwa ole Sona Awa he?”

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 5:27

na wama ye tumi kyɛ obua ndɛen, ɔnate kyɛ ye ole Sona Awa ne.

Asomafoɛ 7:56

Na osele bɛ kyɛ, “Ɛmɔnea, menwu kyɛ anwuro abukye, na Sona Awa ne gyi Nyameɛ sa famaa so.”

1 Tɛsalonikafoɛ 4:17

na afei yɛ bɔ yɛte ase, bɔ yaha ne, ɔne bɛ koso, bɛkɔfa yɛ munungum nu maa yɛkooyia Awurade wɔ ewienu, na sɔ yeɛ yɛne Awurade kɔtena daa ɔ.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Nyekyire 1:13

na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.