Daniel 7:11 - AHYERƐLƐ KRONGRON

¹¹ Ngɔle so nneane, ɔnate edwirɛ mbiri mbiri bɔ né mmɛen ne ɔkekã ne ati. Na nneane alaa kɔpem kyɛ behuni kaka ne ɔ, bɛsɛkyele ye fuin ne, na befindini bɛtole see bɔ ogye ɔ nu.

Daniel 7:11 Iomraidhean Croise

Daniel 11:45

Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Daniel 7:12

Na ngaka ngaa nemɔ koso de, belele bɛ sa nu tumi ne, nakoso bɛhyɛle mmerɛ kãa bɛmane bɛ maa bɛtenane ase.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.