Daniel 7:1 - AHYERƐLƐ KRONGRON

¹ Babilɔn hene Bɛlsasa ahennie afoɛ bɔ oli moa ne anu, Daniel hyene laleɛ, na onyane nyekyire wɔ mmerɛ bɔ né ɔla ye bɛen so ɔ. Na afei ɔhyerɛle laleɛ ne, na ɔbɔle nu dwirɛ ne porɛ.

Daniel 7:1 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 46:2

Na Nyameɛ dwudwo hyirele Yisrael kɔngɔen ne wɔ nyekyire nu. Ɔfrɛle ye: “Yakob, Yakob,” na osurole kyɛ, “Me ɛhe.”

YOB NWOMAA NE 4:13

Kɔngɔen laleɛ bie anu yeɛ ndele ɔ, mmerɛ bɔ adasa bɛda hatee ne.

Yesaya 30:8

Afei kɔ, kyerɛ edwirɛ ne nyɔboɛ so wɔ bɛ nyunu, ná kyerɛ gua nwomaa nu maa kyẽa bie ɔyɛ adanzeɛ afebɔɔ.

Yesaya 8:1

Afei AWURADE sele me kyɛ, “Fa nyɔboɛ pirikua taataa bɔ bɛkyerɛ so ɔ, ná twerɛ bɔ sona kɔkenga kɔte ye bo ɔ, kyɛ, ‘Maheri Sala Hasibase’.

Yeremia 23:28

Ngɔmhyɛlɛniɛ bɔ wahye laleɛ ne, odi kyɛ ɔfa laleɛ ne to dwaa, na bɔ mafa me dwirɛ matua ye noa ne koso, odi kyɛ ɔkã me dwirɛ ne nahorɛ nu. Nzikyɛ ngitahoɛ yeɛ ɔla afafu ne atokoɔ b’afia ɔ? AWURADE noa dwirɛ ɛne.

Yeremia 27:7

Na maen maen amukoraa kɔso ye ne ɔwa ne ye anomaa, kɔpem kyɛ mmerɛ bɔ mahyehyɛ kyɛ ye maen ne ɔbra ayieleɛ ne okodwu ɔ; na afei maen maen pee ne ahemvo atitire kɔmaa ɔkɔso bɛ.

Yeremia 36:32

Yeɛ Yeremia fale nwomaa bɔ babobɔ ɔ foforɛ, na ɔfa mane ahyerɛlɛniɛ Baruku bɔ ye baba ole Neria ne. Ye yeɛ Yeremia hane nwomaa ko bɔ Yuda hene Yehoakim fale see yerale ye ne anu dwirɛ amukoraa maa ɔhyerɛle ɔ, na ɔfale edwirɛ bɔ ɔte kyɛ sɔ dwirɛ nemɔ ɔ pee bokale so.

Yeremia 36:4

Yeɛ Yeremia frɛle Baruku bɔ ye baba ole Neria ne, na AWURADE dwirɛ amukoraa bɔ ɔhã hyirele Yeremia ne, Yeremia hã mane Baruku hyerɛ guale nwomaa bɔ babobɔ ɔ bie anu.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 2:1

Nebukadenesa ahennie afoɛ bɔ ɔtɔ so nyɔ ne anu ne, ɔhyehyene laleɛ mɔ, na ɔhale ye sunzum, na nnafelɛ fili ye nye so.

Daniel 2:26

Yeɛ Nana bisale Daniel bɔ osa li Beltesasa ne kyɛ, “Ɛkɔhora kɔhã laleɛ horɛ bɔ ngyene ne, ná ekosa kohyire ye bo kohyire me?”

Daniel 4:13

“Bɔ nwuni ye wɔ me laleɛ nu wɔ me mba so ne, mvum nu, wɛmvoɛ krongronniɛ bie fili nyameɛso dwu wale.

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 5:1

Nana Bɛlsasa tole poen kandinga bie mane ye mbanyi apee ko, na ɔnone nzaa wɔ mmenia apee ne anyunu.

Daniel 5:22

Na wɔ, Bɛlsasa, bɔ ɛte ɔwa ɔ, ɛse ɛhe amukoraa, nakoso angua wɔ nwo ase,

Daniel 5:30

Na sɔ kɔngɔen ne ala, behuni Kaldeafoɛ hene Bɛlsasa.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Daniel 7:15

“Me, Daniel, me sunzum wora bɔle wɔ me nu, na nyekyire bɔ nwuni ye ne hale me.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Daniel 8:1

Nana Bɛlsasa ahennie afoɛ bɔ ɔtɔ so nza ne anu, me Daniel, nyane nyekyire bie, na ɛhe sili wɔ nyekyire bɔ nnili moa nyane ye ne asi.

Yoel 2:28

Na ɛhe asi ne, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mma mmrasua kɔhyehyɛ ngɔm; ɛmɔ mbanyi mɔ kɔhyehye laleɛ, na ɛmɔ mmerandeɛ konwu nyekyire;

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Habakuku 2:2

Yeɛ AWURADE buale me kyɛ, “Kyerɛ nyekyire ne, ná kyerɛ ye pefee gua nyɔboɛ taataa nemɔ aso, amaa ɔnate so mmenia bahora bakenga ye ndɛndɛ so.

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

2 Korintofoɛ 12:1

Ye nwo nhia kyɛ ngɔhoahoa me nwo ɔ, nakoso ngɔhã Awurade nyekyire, ɔne bɔ waye wahyire me nwo dwirɛ.

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 10:4

Na agralaa nzoo ne bobɔle nu kurudududu nen, nyɛle kyɛ mekyerɛ, nakoso ndele kyɛ komviɛ bie fi nyameɛso ɔkã kyire me kyɛ, “Edwirɛ bɔ agralaa kurudududu nzoo nemɔ bahã ne, sɔ ye noa, na nnɛkyerɛ.”