Daniel 6:8 - AHYERƐLƐ KRONGRON

⁸ Yiti Nana, hyɛ mmeraa ne, ná fa wɔ sa wura ye bo bɔ ebiala ngɔhora ye sesã ɔ, kyɛbɔ Medese ne Pɛsia mmeraa bɔ bɛngora ye sesã ne ɔte ne.”

Daniel 6:8 Iomraidhean Croise

Ɛseta 1:19

Nana, sɛ ɛkɔpene so a, hyɛ mmeraa, ná maa bɛhyerɛ bɛboka Pɛsia ne Medese mmeraa bɔ bɛngora ye sesã ne aso, kyɛ, Onni kyɛ Nana Wasiti ba Nana Ahasuro nyunu le ko. Afei koso, Nana, fa Wasiti hemmaa dibea ne ma brasua foforɛ bɔ ɔte paa tra Wasiti ɔ.

Ɛseta 3:12

Bosome bɔ oli moa ne, ye kyẽa bɔ ɔtɔ so buru ne nza ne, bɛfrɛfrɛle Nana Ahasuro ahyerɛlɛfoɛ amukoraa maa beyiale, na bɛhyerɛle maa ɔyɛle mmeraa, kyɛbɔ Haman hyɛle kyɛ bɛyɔ ne ala. Na bɛfa bɛɛmane Nana Ahasuro mbɔtam mbanyi mɔ, amrado mɔ, maen maen nemɔ so mbanyi mɔ, manzini biala, kyɛbɔ ye ahyerɛlɛ ne nu mmenia dwudwolɛ si te ne, sɔ ala yeɛ bɛhyerɛle ye ɔ. Bɛhyerɛle ye Nana Ahasuro dumaa nu, na bɛfale ye nzɔanoɛ pɛteaa bɛsɔle ye noa.

Ɛseta 8:10

Modekae maa bɛhyerɛle ngrataa nemɔ Nana Ahasuro dumaa nu, ɔfale Nana Ahasuro nzɔanoɛ kaa sosɔle bɛ noa, ɔfa somane mmenia bɔ bɛ nwo yɛ nyera, bɔ bɛtenatenane mbɔngɔ bɔ bɛ nwo yɛ nyera ɔ so. Né ahemvie adwuma ti yeɛ bɛhyɛ da besie sɔ mbɔngɔ nemɔ ɔ.

Ɛseta 8:3

Afei Ɛseta hɔle Nana Ahasuro nyunu bieku, ɔtole ye nwo yele ye gya bo, na ole esuɛ ɔkotole ye ɔfa tole ye nyunu kyɛ, Yudafoɛ nwo adwene tɛɛ bɔ Agaginiɛ Haman nyane ye, ɔne bɛ ti so porɛ bɔ ɔbɔle ne, ɔsrɛ ye ala, ɔ́pɛ nu.

Ɛseta 8:8

Bɔ ɛmɔkuro biala, ɛmɔhyerɛ bɛfa Yudafoɛ nwo wɔ me, Nana Ahasuro me dumaa nu, ná ɛ́mɔfa me nzɔanoɛ kaa ne bɛsɔ krataa ne noa, ofikyɛ mmeraa bɔ bahyerɛ ye wɔ me, Nana Ahasuro me dumaa nu, bɔ bafa me nzɔanoɛ kaa basɔ ye noa ne, bɛkakyi ye a ɔnyɛ yé.”

Edwein 94:21

Bɛbɔ nu bɛbɔ teneneefoɛ nwo porɛ kyɛ bekohu bɛ, na bebua bɛ bɔ bedi be ɔ foɛ kyɛ behũ bɛ.

Yesaya 10:1

Bɛ yaakɔ! Bɛ bɔ bɛhyɛ mmeraa tɛɛ ɔ, ɔne ahyerɛlɛfoɛ bɔ bɛkyerɛ nhyɛsoɛ mmeraa ɔ,

Daniel 5:28

PERES, wahyɛ w’ahennie ne anu wafa wama Medesefoɛ ne Pɛsiafoɛ.”

Daniel 6:12

Yiti bɛhɔle ɛhene ne berɛ beebisale ye mmeraa ne anwo dwirɛ kyɛ, “Nana, aso amva wɔ sa anwura mmeraa bo, kyɛ eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu ɔ; bɔ Nana, sana wɔ ngome wɔ nyunu yeɛ odi kyɛ ɔfa to ɔ?” Yeɛ ɛhene ne buale kyɛ, “Ye ala ɛne, kyɛbɔ Medese ne Pɛsia mmeraa bɔ bɛnzesã ye ne ɔte ne.”

Daniel 6:15

Yeɛ sɔ mmenia nemɔ boale bɛ noa bɛhɔle ɛhene ne berɛ beesele ye kyɛ, “Nana, nwu ye kyɛ, Medese ne Pɛsia mmeraa nu, sɛ Nana hyɛ mmeraa anaa ahyɛdeɛ biala a, bɛngora bɛnzesã ye.”

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.