Daniel 6:7 - AHYERƐLƐ KRONGRON

⁷ Yɛ, ahennie ye anu mbanyi so neafoɛ mɔ, mbanyi, mbɔtam mbanyi, foɛtulɛfoɛ ne amrado mɔ amukoraa bahã bɛ ti bapura, kyɛ odi kyɛ Nana hyɛ mmeraa, ná ɔbra ye kitii kyɛ, eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu; Nana, sana wɔ ngome wɔ nyunu yeɛ odi kyɛ ɔfa to ɔ.

Daniel 6:7 Iomraidhean Croise

Edwein 10:9

Ɔtetɛ mvealeɛ nu kyɛ gyata bɔ wafea poen nu ɔ; ɔtetɛ kyɛ okonya bɛ bɔ bɛyɛ anwumvo ɔ ɔkɔhye bɛ. Ɔkye bɛ bɔ bɛyɛ anwumvo ɔ, na ɔpoa bɛ ase kowura ye ngaen nu.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 59:3

Ao AWURADE, nndole mmeraa biala, yeɛ nnyɔle bɔne biala, nakoso kekesaala ye po, bɛtetɛ me beku me; nzɛmmɔnefoɛ bɛboa bɛ noa bɛbɔ me ti so porɛ.

Edwein 59:5

Ao AWURADE, Asafo Nyameɛ, ɛte Yisrael Nyameɛ. Dwɔso twe maen maen amukoraa bɛ so; amumuyɛɛfoɛ nnakannakafoɛ ne, nnɛma bɛ nu biala fa ye nwo di tɔtorɔtɔɔ. Sela

Edwein 62:4

Bɛ botaeɛ ala ole kyɛ bekotu ye bekofi bia so ɔ. Bɛ nye gye ngondombo nwo; bɛfa bɛ noa beyira sona, nakoso bɛ ti anu de, bɛnoma ye. Sela

Edwein 83:5

Bɛyɛ adwene ko bɛbɔ porɛ; bɛyɛ apam betia wɔ:

Edwein 94:20

Maenbulɛfoɛ atianuserɛfoɛ bɔ bɛhyɛ mmeraa bɛfa bedi bɔne ne, aso bɛkɔhora bɛ ne wɔ kotira abiɛngoɛ?

Daniel 2:4

Yeɛ Kaldeafoɛ nemɔ buale Nana wɔ Aramaeke dwudwolɛ nu kyɛ, “Nana, wɔ ngoa so oo! Wɔ somvoɛ mɔ, kã laleɛ ne yɛ, na yɛkohyire ye bo.”

Daniel 3:11

na ebiala bɔ wammutu berɛ wanzɔne ye ne, odi kyɛ befindi ye bɛto see bɔ ogye wuronyiwuronyi wɔ foonoo nu ne anu.

Daniel 3:2

Yeɛ Nana Nebukadenesa somane maa bɛɛfale mbɔtam mbanyi, mbanyi mɔ, amrado mɔ, foɛtulɛfoɛ, fotoɛsoneafoɛ, badwafoɛ, ndɛenbualɛfoɛ ne mbɔtam nemɔ aso mbanyi amukoraa, kyɛ amoen bɔ Nana Nebukadenesa wagyina bɔ ɔbaala ye ali ne, bɛbra berɛ bie.

Daniel 3:27

Yeɛ mbɔtam mbanyi, mbanyi, amrado mɔ ne Nana foɛtulɛfoɛ mɔ bɛbɔle nu bɛɛneane, na benwuni kyɛ see ne wannya sɔ mmenia nemɔ nwonaen so tumi, bɛ ti nwiaa anyera, b’ataadeɛ ne anyɛ hoyaa, yeɛ nwosina po mmo bɛ nwo.

Daniel 3:6

Na ebiala bɔ wammutu berɛ wanzɔne ye ne, sɔ mmerɛ ne ala odi kyɛ befindi ye bɛto see bɔ ogye wuronyiwuronyi wɔ foonoo nu ne anu.”

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Nahum 2:12

Gyata nyii tetele naen nu bɔ ɔkɔso ye mma mɔ di ɔ; na obumane naen kɔme ohuni ye mane ye gyata mmeleɛ nemɔ; ɔfale naen bɔ wahũ ye ne yili ye nekaa bɔ ɔla nemɔ, na ɔfale naen bɔ watete ye nu ne yili ye tuin nemɔ anu.

Mateo 12:14

Yeɛ Farasiifoɛ nemɔ fili berɛ bɛhɔle aluo dɔ, na bɛbɔle ye ti so porɛ bɛpenane atee bɔ bɛkɔfa so bekohu ye ɔ.

Mateo 26:4

na bɛbɔle porɛ kyɛ bɛkɔhye Yesu kudɛɛ ná bahu ye.

Marko 15:1

Na aleɛ baahye ne, ndɛndɛ so, asɔfo mbanyi ne maen mbanyi ne ahyerɛlɛfoɛ ne badwafoɛ ne amukoraa bɛhɔle agyina, na bɛkyekyele Yesu bɛfale ye beewurale Pilato sa.

Yohane 12:10

Yiti asɔfo mbanyi nemɔ bɔle porɛ kyɛ bekohu Lasarɔso koso;