Daniel 6:3 - AHYERƐLƐ KRONGRON

³ Na Daniel he, ɔyɔle adwuma sonongo trale mbanyi so neafoɛ nemɔ ne mbɔtam mbanyi nemɔ, ofikyɛ né sunzum sonongo wɔ ye nu. Na ɛhene ne yɛle ye adwene kyɛ ɔkɔmaa ɔkɔnea ye ahennie ne amukoraa so.

Daniel 6:3 Iomraidhean Croise

Ɛsra 4:22

Ɛ́mɔnea kyɛ ɛmɔngobu ɛmɔ nye bengogua edwirɛ he aso ɔ. Anyɔ a, edwirɛ bɔ ɔtte mayee kɔto m’ahennie ye.”

Nehemia 7:2

mvale Yerusalem nwurale nniɛma Hanani ɔne Hanania bɔ ɔnea abandenden ne aso ne, bɛ sa. Ofikyɛ né ɔte nahorɛniɛ bɔ osuro Nyameɛ tra kyɛbɔ mmenia pee besuro Nyameɛ ɔ.

Ɛseta 10:3

Na Yudaniɛ Modekae ye dibea ne, sɛ né Nana Ahasuro nne berɛ a, ye yeɛ ɔwɔ berɛ ɔ. Onyane animnyam wɔ Yudafoɛ nyunu, na ye mmango Yudafoɛ hurole ye dwirɛ, ofikyɛ né ɔpena ye mmenia paa, na ɔfale ye boso ama bɛ yeeyɛlɛ nwo dwirɛ tole ye nwo so, na ɔhane asomdwee dwirɛ hyirele ye mmenia amukoraa.

Anyandera 17:27

Sona bɔ ole nimdeɛ ne, ondwudwo pee, yeɛ sona bɔ ole aboterɛ ne, ɔte badwemma.

Anyandera 22:29

Aso anwu sona bɔ ɔyɛ ye adwuma ferengyemm ɔ? Ahemvo mɔ yeɛ okonya atee kɔso bɛ ɔ, ɔngɔso kwahweabaa mɔ.

Nworɛ Dwirɛhanɛniɛ 2:13

Na nwuni kyɛ mvasoɛ wɔ nworɛ so tra ngwaseasɛm, kyɛbɔ mvasoɛ wɔ kanea so tra awosii ne.

Daniel 5:12

ofikyɛ benwuni kyɛ sɔ Daniel ne, bɔ Nana Nebukadenesa tole ye dumaa Beltesasa ne, ole sunzum sonongo, nimdeɛ ne ndeaseɛ bɔ bɛfa bekyire laleɛ bo ɔ, ɔne bɔ bɛfa bekyirekyire edwirɛ bɔ nu ɔlla berɛ ɔ nu, ɔne edwirɛ bɔ ɔkye adwene ɔ nu. Yiti maa bɛɛfrɛ Daniel bɛbra ma ohyire ye bo.”

Daniel 5:14

Mate wɔ nga kyɛ nyameɛ nemɔ bɛ sunzum wɔ wɔ nu, na banwu kyɛ kanea ne nimdeɛ ne nworɛ paa te wɔ nu.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Daniel 9:23

Ɛhyɛle wɔ sufrɛ ne abo nen, mmuayɛɛ bie fili nu wale, na mawa kyɛ mebaahã mekyire wɔ, ofikyɛ Nyameɛ kuro wɔ dwirɛ paa; yiti te edwirɛ ne abo, ná dwene nyekyire ne anwo.