Daniel 6:27 - AHYERƐLƐ KRONGRON

²⁷ Ode ngoa, na ɔpepɛ de mmenia, na ɔyɔ nzɛngyerɛnneɛ ne anwanwadeɛ wɔ nyameɛso ne aseɛ so, na ye yeɛ wapepɛ wale Daniel wafi gyata mɔ bɛ sa nu ɔ.”

Daniel 6:27 Iomraidhean Croise

YOB NWOMAA NE 36:15

Sona bɔ ɔwɔ amaneɛ nu ne, Nyameɛ fa ye amaneɛnwunɛ so ode ye, na Nyameɛ nate ye amaneɛnwunɛ so maa ɔyɛ sotie ma ye.

Edwein 145:13

W’ahennie ne te daa ahennie, na wɔ tumi ne wɔ berɛ wɔ aworɛ ndoatoasoɛ amukoraa nu. [AWURADE di nahorɛ wɔ ye dwirɛ amukoraa nu, na onwu anwumvoin wɔ nikyee biala bɔ ɔyɔ ɔ nu].

Edwein 18:48

ye bɔ ode me fi me pɔfoɛ mɔ sa nu ɔ; amba, bɛ bɔ bedwɔso betia me ne, wɔ yeɛ ɛma me so maa bewura me bo ɔ, na ede me fi mmenia bɔ awosii wɔ bɛ ti anu ɔ bɛ sa nu.

Edwein 18:50

Odi ngonim piri paa ma ye hene ne, ɔye ɔdɔ bɔ onni ngasi ɔ ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.

Edwein 32:7

Wɔ yeɛ ɛte m’afealeɛ ɔ, wɔ yeɛ ɛbɔ me nwo waen fi amaneɛ nu ɔ; ɛfa wɔ ngoalelɛ dwein ɛpɛ me nwo yia. Sela

Edwein 35:17

Ao AWURADE, ɛnea alaa maa okodwu kyinzu? Pepɛ de me kra fi bɛ nzɛmmɔnelilɛ nu, de me ngoa fi gyata nemɔ sa nu!

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 4:31

Na Nana Nebukadenesa noa ambe, yeɛ edwudwolɛ bie fili nyameɛso sele kyɛ, “Wɔ, ɛhene Nebukadenesa, wɔ yeɛ bɛ́kã edwirɛ he bekyire wɔ ɔ, kyɛ: Ahennie ne, wafi wɔ sa!

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Yohane 4:48

Yeɛ Yesu sele ye kyɛ, “Ɛmɔngole ngoli, sana ɛmɔanwu anwanwadeɛ ne nzɛngyerɛnneɛ koraka.”

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”