Daniel 6:26 - AHYERƐLƐ KRONGRON

²⁶ Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Daniel 6:26 Iomraidhean Croise

Ɛsra 1:3

Yiti ɛmɔ nu biala bɔ ɔboka ye mmenia ne aso ne, ye Nyameɛ ogyina ye si. Mama ye ate kyɛ ɔhɔ Yerusalem bɔ ɔwɔ Yuda ne oosa osi AWURADE Yisrael Nyameɛ ye awuro ne bieku. Ye yeɛ ɔte Nyameɛ bɔ ɔwɔ Yerusalem ɔ.

Ɛsra 7:21

“Me Nana Atasɛsɛse, mahyɛ mmeraa he mama fotoɛsoneafoɛ amukoraa bɔ bɛwɔ asue Yufreti si mbɔtam kyɛ, nikyee biala bɔ ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne okobisa kofi ɛmɔ berɛ ne, ɛ́mɔnea kyɛ ɛmɔkɔma ye sa kɔhã ye ndɛndɛ ɔ;

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 146:10

AWURADE koli hene afebɔɔ, ao Sion, wɔ Nyameɛ di hene aworɛ ndoatoasoɛ amukoraa nu. Ɛ́mɔye AWURADE ayɛ!

Edwein 2:11

Ɛ́mɔfa esuronyi bɛso AWURADE, ná ɛ́mɔfa anwopopolɛ koso beli ahurusi.

Edwein 29:10

AWURADE te ye ahennie bia so wɔ asue mɔ bɔ bayi ɔ so, na AWURADE te ye ahennie bia so odi hene afebɔɔ.

Edwein 42:2

Me kra wora dɔ Nyameɛ, ye wora dɔ Nyameɛ teasefoɛ ne. Kyinzu yeɛ ngɔwa ngoodwu Nyameɛ nyunu ɔ?

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 3:29

Yiti, méhyɛ mmeraa kyɛ, maen, mmenia anaa edwudwolɛ biala bɔ ɔkɔhã dwirɛ kotia Sadrake, Mesake ne Abedinego Nyameɛ ne nen, ngɔmaa bɛkɔtete ye nu pasapasa, na bɛkɔfa ye awuro bɛkɔkakyi fofoɛ; ofikyɛ nyameɛ biala nne berɛ bɔ ɔkora pepɛ de sona sɔaa ɔ.”

Daniel 4:3

Kyɛbɔ ye nzɛngyerɛnneɛ osi te mbiri mbiri ɔ! Kyɛbɔ anwoserɛ osi wɔ ye anwanwadeɛ nu ɔ! Ye ahennie te ahennie afebɔɔ, na ye tumi wɔ berɛ wɔ aworɛ ndoatoasoɛ amukoraa nu.

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Luka 1:33

na okoli Yakob awuro so hene afebɔɔ, na ye ahennie ne olle ayieleɛ.”

Luka 12:5

Na mebɔ ɛmɔ kɔkɔ, bɔ ɔsɛ kyɛ ɛmɔsuro ye ɔ: Odi kyɛ ɛmɔsuro bɔ oku yie a, ole tumi kyɛ ogyi to abɔnzam see nu ɔ. Amba, mekã mekyire ɛmɔ kyɛ, ye yeɛ odi kyɛ ɛmɔsuro ye ɔ.

Asomafoɛ 17:25

yeɛ nna sona sa yeɛ bɛfa bɛsɔne ye ɔ, kyɛ ebiaa ohia nikyee bie ɔ; ofikyɛ ye bɔbɔ yeɛ ɔma sona biala ngoa ne nwomeɛ ne nikyee biala ɔ;

Romanfoɛ 9:26

Na nekaa bɔ besele bɛ kyɛ, ‘Ɛmɔtte me maen’ ne, berɛ ala yeɛ bɛkɔfrɛ bɛ Nyameɛ teasefoɛ ne mma ɔ.”

Deuteronomi 5:26

Ofikyɛ dasaniɛ beni yeɛ wate Nyameɛ teasefoɛ ne komvi kyɛ odwudwo fi see nu, kyɛbɔ yate ye, ná wanya ngoa ɔ?

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Hebrifoɛ 12:29

ofikyɛ yɛ Nyameɛ ne te see bɔ ɔyera nikye ɔ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 5:14

Na abɔdeɛ ateasefoɛ nna nemɔ sele kyɛ, “Amen.” Yeɛ mbanyi nemɔ bɛfale bɛ nyunu bebutubutuli berɛ bɛsɔnene [bɔ ɔte ase afebɔɔ ne].

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.