Daniel 6:24 - AHYERƐLƐ KRONGRON

²⁴ Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Daniel 6:24 Iomraidhean Croise

2 Ahemvo 14:6

Nakoso sɔ kodiawufoɛ nemɔ, bɛ mma nemɔ de, wangukũ bɛ, kyɛbɔ amba, bahyerɛ ye wɔ Mose mmeraa nwomaa ne anu ne. Nu yeɛ AWURADE ahyɛ kyɛ, “Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.”

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Ɛseta 9:10

Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.

Ɛseta 9:25

Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

Edwein 54:5

Ɔkɔfa me pɔfoɛ mɔ bɛ bɔbɔ bɛ bɔne kotua bɛ so kerɛ. Wɔ nahorɛlilɛ ti, nua bɛ boso.

Anyandera 11:8

Bede teneneeniɛ befi amaneɛ nu, na amaneɛ ne kakyi ba bɔnefoɛ so mmom.

Anyandera 19:9

Adanzewianiɛ ngɔfa ye nwo ngoli tɔtorɔtɔɔ, yeɛ nnakannakaniɛ wora okowu.

Yesaya 38:13

Mesu mepena mmokalɛ alaa kodwu ngyerɛmɔ; obubu me mmowue mukoraa nu kyɛ gyata; ɛma me ngoa ohi fi alehyeleɛ kodwu alesaleɛ.

Yeremia 34:17

Yiti AWURADE nwa nyoo: Ɛmɔandie me dwirɛ, na ebiala wamma oliɛma ne obiɛngo bannya bɛ fawɔnwodi. Nzaade AWURADE noa dwirɛ ɛhe: Ɛ́mɔtie, me koso fawɔnwodi he yeɛ mefa mema ɛmɔ ɔ, kyɛ ngɔma ngrandɛ, ewue anwonyerɛ ne ɛhɔen kɔwa ɛmɔ so ɔ. Na ngɔmaa ɛmɔkɔyɛ anwodwiri nikyee wɔ aseɛ so ahennie amukoraa nu.

Daniel 3:22

Na ɔnate bɔ ɛhene ne hyɛle bɛ kitii kyɛ bɛyɔ ne, ɔne foonoo ne bɔ wayɛ hye watra so ne ati, see wuronyiwuronyi ne huni mmenia bɔ bɛfale Sadrake, Mesake ne Abedinego bɛhɔle nemɔ.

Deuteronomi 24:16

“Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.