Daniel 6:23 - AHYERƐLƐ KRONGRON

²³ Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Daniel 6:23 Iomraidhean Croise

1 Ahemvo 5:7

Hiram tele Solomon ngraa nen, ye nye gyele paa, na ɔhane kyɛ, “AWURADE bɔ ɛnɛ ye waye baa nworɛniɛ wama Dawide kyɛ ooli maen kandinga ye aso ne, animnyam ɔyɛ ye deɛ.”

1 Aberɛso Dwirɛ 5:20

Nyameɛ bokale Rubenfoɛ, Gadefoɛ yeɛ Manase abusua kure ne bue maa belili Hagritefoɛ ne bɛ bɔ bɛboka bɛ so ne amukoraa so ngonim, ofikyɛ besu bɛfrɛle Nyameɛ wɔ koɛ ne anu. Nyameɛ tiele bɛ mbaeɛ, ofikyɛ bɛfale bɛ nwo bɛtole ye so.

2 Aberɛso Dwirɛ 20:20

Koɛhonɛfoɛ nemɔ dwɔsole ngyerɛmɔ tutuutu bɛhɔle Tekoa ɛserɛ ne aso. Bɛkɔ ne, Yehosafate dwɔsole sele kyɛ, “Yuda ne Yerusalemfoɛ, ɛ́mɔtie me! Ɛ́mɔle AWURADE ɛmɔ Nyameɛ ne beli, na okoyie ɛmɔ yé. Ɛ́mɔle ye ngɔmhyɛlɛfoɛ ne beli.”

Edwein 18:21

Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

Edwein 37:40

AWURADE boka bɛ, na ɔpepɛ de bɛ; ɔpepɛ de bɛ fi bɔnefoɛ sa nu, na ode bɛ ngoa, ofikyɛ bɛnwati bɛkɔfea ye nu.

Ɛksadɔso 18:9

Na paa mukoraati bɔ AWURADE ayɔ ama Yisrael, kyɛ wale bɛ wafi Misraimfoɛ sa nu ne, ɔyɛle Yɛtro fɛ.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 3:25

Yeɛ osele kyɛ, “Nakoso menwu mmenia nna bɔ basangye bɛ ɔ bɔ bɛnatenate see ne anu ɔ. Nikye fee ɔyyɔle bɛ, na ko bɔ ɔtɔ so nna ne de, ye sue te kyɛ nyameɛ mɔ bɛ wa bie.”

Daniel 6:14

Na ɛhene ne tele sɔ dwirɛ nen, ɔhale ye paa, na ɔyɛle ye adwene kyɛ ɔkɔpepɛ kole Daniel. Na ɔbɔle ye nwo mmɔden penane atee bɔ ɔkɔfa so kole ye ɔ maa oodwuli kyɛ eyia tɔle ɔ.

Daniel 6:18

Yeɛ ɛhene ne sa hɔle ye ahemvie berɛ, obualale kɔngɔen ne, na wamma bamva bɔ ɔkɔfa kɔgyegye ye nye ɔ biala bammrɛ ye, na ye nye sorole.

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Hebrifoɛ 11:33

Bɛ yeɛ ɔnate gyidie so bɛhone belili ahennie ahoroɔ so ngonim ɔ, begyinane bɛmane tenenee, bɛ sa hane bɔhyɛ mɔ, bɛhane gyata mɔ noa bɛtole nu;