Daniel 6:20 - AHYERƐLƐ KRONGRON

²⁰ Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 6:20 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

1 Aberɛso Dwirɛ 16:11

Ɛ́mɔpena AWURADE ne ye tumi. Ɛ́mɔpena ye si atee daa biala.

Edwein 119:112

Masiesie m’ahone kyɛ ngoli w’ahyɛdeɛ so daa ngoodwu ayieleɛ.

Edwein 146:2

Mmerɛ bɔ nde ngoa nu amukoraa, ngɔye AWURADE ayɛ; ngɔto Nyameɛ nwo ayɛyelɛ dwein mmerɛ bɔ nwomeɛ wɔ me nu ye.

Edwein 73:23

Nakoso me de, ngɔtena wɔ nwo daa; etira me sa famaa ne anu.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Daniel 6:19

Na alebahyene ne, ɛhene ne dwɔsole, na ɔhane ye nwo hɔle gyata nemɔ bɛ tuin ne anwo berɛ.

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Daniel 6:27

Ode ngoa, na ɔpepɛ de mmenia, na ɔyɔ nzɛngyerɛnneɛ ne anwanwadeɛ wɔ nyameɛso ne aseɛ so, na ye yeɛ wapepɛ wale Daniel wafi gyata mɔ bɛ sa nu ɔ.”

Hosea 12:6

“Yiti sa kɔ wɔ Nyameɛ berɛ, sɔ ɔdɔ ne pɛpɛɛpɛyɛlɛ nu yé, ná fa wɔ wora wura Nyameɛ nu daa.”

Numeri 11:23

Na AWURADE sele Mose kyɛ, “AWURADE tumi ne, aso nikyee bie wɔ berɛ bɔ ɔngora ye yɔ ɔ? Afei ekonwu ye, sɛ me dwirɛ ne kɔwa nu kɔma wɔ anaakyɛ ɔngɔwa nu a.”

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,