Daniel 6:10 - AHYERƐLƐ KRONGRON

¹⁰ Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 6:10 Iomraidhean Croise

1 Ahemvo 8:30

Sɛ w’akoaa ne wɔ maen Yisrael bɛfa bɛ nye bekyire sua ye bɛbɔ mbaeɛ a, tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ.

1 Ahemvo 8:38

angorangora biala, anaa wɔ maen Yisrael amukoraa, sɛ b’amaneɛ ne b’aworabɔlɛ ma bɛ nye ba bɛ nwo so, maa ɔnate so bɛtengyɛ bɛ sa bɛfa bekyire sua ye aso a, kyɛ bɛ sufrɛ biala oo, kyɛ bɛ mbaeɛ biala oo,

1 Ahemvo 8:44

“AWURADE, sɛ wɔ maen bɛfa koɛ bɛkɔtoa bɛ pɔfoɛ mɔ wɔ nekaa biala bɔ ɛkɔsoma bɛ kyɛ bɛhɔ koɛ, ná bɛfa bɛ nye bekyire kuro bɔ aye asie berɛ ama wɔ nwo, ɔne sua bɔ masi mafa wɔ dumaa mato so ne, ná bɛbɔ mbaeɛ bekyire wɔ a,

1 Ahemvo 8:54

Solomon fale sɔ mbaeɛ ne amukoraa ne sɔ sufrɛ ne amukoraa tole AWURADE nyunu yiele. Na afei AWURADE afɔleɛ bokyea bɔ ye nwo yeɛ obuli ndwerɛ trɛtrɛle ye sa nu hyirele nyameɛso ne, ofili ye nyunu berɛ dwɔsole, ɔkakyili ye nwo,

2 Aberɛso Dwirɛ 6:13

Né Solomon ayɔ kɔɔbere simbini wasie awuro n’aluo berɛ. Ye tendenn nu te agyirɛ nnu, ye tɛtrɛtɛɛ nu te agyirɛ nnu, na ofi ye aseɛnwo bɔ ɔkwaadwu ye anwuro ne, ɔte agyirɛ nza. Ogyinane so, obuli ndwerɛ wɔ so wɔ Yisrael maen ne amukoraa bɛ nyunu, na ɔtrɛtrɛle ye sa nu hyirele nyameɛso.

2 Aberɛso Dwirɛ 6:38

sɛ befi b’ahone ne bɛ kra amukoraati nu benu bɛ nwo wɔ maen bɔ bahye bɛ nnure bahɔ so ne aso, ná bɛfa bɛ nye bekyire b’aseɛ bɔ ɛfa mane bɛ nana mɔ ne aso, kuro bɔ aneanea nu aye asie berɛ ama wɔ nwo ne, ɔne sua bɔ masi mafa wɔ dumaa mato so ne, ná bɛbɔ mbaeɛ a,

Ɛsra 9:5

Odwuli mmerɛ bɔ bɛbɔ nɔsoa afɔleɛ nen, mvili nekaa bɔ né maatena medi aworabɔlɛ ne ndwɔsole, bɔ né masunzua m’ataadeɛ ne m’ataadeɛ aguasoɛ nu ɔ. Mmuli ndwerɛ, ndrɛle me sa nu mɔle mbaeɛ ngyirele AWURADE me Nyameɛ,

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Edwein 34:1

Ngɔye AWURADE ayɛ mmerɛ biala; ye ayɛyelɛ kɔla me noa daa.

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Edwein 86:3

Ao AWURADE, nwu me anwumvoin, ofikyɛ wɔ yeɛ daa mesu mefrɛ wɔ ɔ.

Edwein 95:6

Ao, ɛmɔbra maa yɛbɔ yɛ nu ase yɛsɔne ye, ɛ́mɔma yɛ́bu ndwerɛ wɔ AWURADE bɔ ɔbɔle yɛ ne, ye nyunu!

Daniel 6:13

Yeɛ besele ɛhene ne kyɛ, “Sɔ Daniel ne, bɔ ɔte mmenia bɔ bɛhyele bɛ nnure befili Yuda nemɔ anu ko ne, Nana, ommu wɔ, yeɛ ɔmva mmeraa bɔ wɔ sa wura ye bo ne nyɛ huu, na mmom ɛlɛho biala ɔbɔ ye mbaeɛ ne pɛen nza.”

Daniel 9:4

Mmɔle mbaeɛ ngyirele AWURADE me Nyameɛ, na nne ndole nu ngane ye pefee kyɛ, “O AWURADE, Nyameɛ piri bɔ ye nwo yɛ suro, bɔ odi apam ne ɔdɔ bɔ onni ngasi ɔ so ma bɛ bɔ bekuro ye dwirɛ ɔne bɛ bɔ bedi ye mmeraa dwirɛ so ɔ;

Yona 2:4

Yeɛ ngane kyɛ, ‘Afoa me afi wɔ nyunu, nakoso ngosa ngɔto me nye ngɔnea w’asɔneyɛɛ sua krongron ne.’

Marko 3:3

Yeɛ osele biaa bɔ ye sa ko awu ne kyɛ, “Baagyina anyunu wa.”

Luka 14:26

“Sɛ ebie ba me berɛ, ná ɔmbɔ ɔse ne oni, ɔye ne ye mma, oliɛma mmienzua ne oliɛma mmrasua, ɔne ye bɔbɔ ye ngoa a, ngɔhora ngɔyɛ me suaniɛ.

Luka 22:41

Na ɔhwene ye nwo fili bɛ nwo berɛ hɔle ye nyunu moa kãa nen, obuli ndwerɛ bɔle mbaeɛ kyɛ,

Asomafoɛ 10:9

Aleɛ hyene, na ɔbɔle kɔyɛ eyia duabien nen, né bɛwɔ atee so bɔ bapingye Yopa ɔ; na sɔ mmerɛ ne, Petro fole sua frɛtɛɛ so anwuro kyɛ ɔkwaabɔ mbaeɛ.

Asomafoɛ 2:15

Sɔ mmenia hemɔ, nna nzaa yeɛ wabo bɛ kyɛbɔ ɛmɔsusu ne; bekye po yeɛ wabɔ ngyerɛmɔ nnɔngono ɔ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 20:36

Na ye noa pene ne, obuli ndwerɛ ɔne bɛ mukoraa bɛbɔle mbaeɛ.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Asomafoɛ 3:1

Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.

Asomafoɛ 4:29

Awurade, kekesaala ye de, nea b’anwunanwuna ye ná ma wɔ ngoaa ahoneserɛ bɔ yɛkɔfa yɛkɔhã wɔ dwirɛ ne ɔ.

Asomafoɛ 5:20

“Ɛmɔhɔ beegyina asɔneyɛɛ sua ne anu, ná ɛmɔbɔ sɔ ngoa foforɛ he amukoraa nwo dawure behyire mmenia.”

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Ɛfesofoɛ 3:14

Ɔnate ɛhe ati, mekoto mesrɛ [y’Awurade Yesu Kristo] Baba,

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.