Daniel 5:7 - AHYERƐLƐ KRONGRON

⁷ Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Daniel 5:7 Iomraidhean Croise

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛksadɔso 7:11

Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Anyandera 1:9

ofikyɛ bɛte animnyam abotire bɔ ɔbɔ wɔ ti ɔ, ɔne akomuade bɔ ɔya wɔ ɔ.

Edwein Nu Dwein 1:10

Mbembenanneɛ fata wɔ so taa nu, yeɛ sikaa kɔkorɛ akomuade fata wɔ kɔme.

Yesaya 47:13

Foɛ pee bɔ batu wɔ ne, wama w’adwene ayɛ wɔ nwunyaenn, bɛ bɔ bɛnea nzramaa nu bɛkã nu dwirɛ ne, bɛ bɔ bedi nzramaa nwo ahɔen, bɛ bɔ ɛsraen fi a bɛkã bɔ okosi ɔ ne, maa bedwɔso bɛpepɛ bele wɔ e!

Yeremia 50:35

“Ngrandɛ gyi Kaldeafoɛ so, yeɛ Babilɔnfoɛ ne b’atitire ne bɛ nworɛfoɛ so! AWURADE noa dwirɛ ɛne.

Hesekiel 16:11

Mvale mbembenanneɛ nziesiele wɔ nwo, mvale kaa nguale wɔ sa kɔm, yeɛ mvale akomuade ndole wɔ kɔme anu.

Daniel 1:20

Na nworɛ dwirɛ ne edwirɛ bɔ ɔkye adwene biala bɔ Nana bisale bɛ ne, onwuni kyɛ bɛ mmuayɛɛ ne, ɔbo ngonyaayelɛfoɛ ne bɛ bɔ bɛnea nzramaa nu bɛkã nu dwirɛ amukoraa, bɔ bɛwɔ ye ahennie ne amukoraa nu ɔ bɛ deɛ so pɛen buru.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 2:27

Yeɛ Daniel buale wɔ Nana nyunu berɛ kyɛ, “Nana, mvealeɛ nu dwirɛ bɔ abisa ye, nworɛfoɛ, bɛ bɔ bɛnea nzramaa nu bɛkã nu dwirɛ, ngonyaayelɛfoɛ anaa benewaafoɛ biala ngɔhora ngohyire wɔ ye bo;

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 2:6

Nakoso sɛ ɛmɔkã laleɛ ne bekyire me, ná ɛmɔkyire me ye bo a, ye de ɛmɔkonya me berɛ akyɛdeɛ, akatuaa ne anidie kandinga. Yiti laleɛ ne, ɛmɔhã behyire me, ná ɛmɔhyire me ye bo.”

Daniel 4:14

Na ɔteane nu serɛserɛ sele kyɛ, ‘Ɛ́mɔbu bakaa ne bɛ́to ase, ná ɛ́mɔpepɛ ye mmaen ne, ɛ́mɔporo ye nyaa ne, ná ɛ́mɔto ye mma ne bɛ́pete; ɛ́mɔma ngaka nemɔ béfi ye bo bɛ́nwati, ná ɛ́mɔma nnomaa nemɔ bétu béfi ye mmaen nemɔ aso.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:15

Bɛɛfale nworɛfoɛ ne bɛ bɔ bɛnea nzramaa nu bɛkã nu dwirɛ ɔ bɛwale me nyunu, kyɛ bɛɛkenga sɔ ahyerɛlɛ he, ná behyire me ye bo, nakoso bangora bangyire edwirɛ ne abo.

Daniel 5:16

Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Numeri 22:17

ofikyɛ ngɔma wɔ akatuaa bɔ ɔfata paa ɔ, na bɔ ekose me ne biala ngɔyɔ. Mesrɛ wɔ, bra baanoma mmenia ye ma me.’ ”

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Numeri 24:11

Fi wa kɔ! Kɔ wɔ kuro! Ngane kyɛ ahaa ngɔma wɔ akatuaa piri paa, nakoso AWURADE abɔ w’akatuaa agua.”

1 Samuel 17:25

Yeɛ Yisrael koɛhonɛfoɛ nemɔ sisele kyɛ, “Yeɛ ɛmɔanwu biaa he bɔ ɔ́fo ba ye? Susu amba, wawa kyɛ ɔbaapɛ Yisrael poa. Sona bɔ okohu sɔ biaa he nen, Nana Sɔɔlo kɔbɔ ye aba so maa okonya ye nwo, ɔkɔfa ɔwa brasua maa okogya, na ɔkɔma ɔse awuro ama konya bɛ fawɔnwodi wɔ Yisrael.”