Daniel 5:6 - AHYERƐLƐ KRONGRON

⁶ Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Daniel 5:6 Iomraidhean Croise

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 69:23

Ma bɛ nye so yɛ tunn bɔ bennwu hwee ɔ, ná ma bɛ sisia ɔpo bɛ tɛtɛtɛtɛ daa.

Yesaya 35:3

Asaa bɔ nu ayɛ bɛtɛɛ ne, ɛ́mɔma nu yɛ se, yeɛ nangoroma bɔ nu ayɛ hodwoo ne, ɛ́mɔmiamia nu.

Yesaya 5:27

B’ɛlɔen ne, bɛ nu biala mvɛ, ebiala nzoti, ebiala ndɔ ngosie anaa ɔnnafe, b’abɔsoɛ nu ngoho, yeɛ bɛ mbaboa nyamaa ndete;

Yeremia 50:43

“Babilɔn hene ate bɛ nga, na ye abasa nu ayɛ hodwoo; ahunundetelɛ atɔ ye so, ɔte yealɛ kyɛ brasua bɔ wafo aworɛ so ɔ.

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hesekiel 7:17

Asaa mukoraa nu kɔyɛ hodwoo, nangoroma mukoraa kɔyɛ mmerɛ kyɛ nzue.

Daniel 2:1

Nebukadenesa ahennie afoɛ bɔ ɔtɔ so nyɔ ne anu ne, ɔhyehyene laleɛ mɔ, na ɔhale ye sunzum, na nnafelɛ fili ye nye so.

Daniel 3:19

Yeɛ Nebukadenesa fɛle yaa hahii, na omunane Sadrake, Mesake ne Abedinego so paa. Na ɔhyɛle kyɛ behua foonoo see ne anu paa ma nu ɔyɛ hye pɛen nzoo ɔtra kyɛbɔ ɔyɛ a ye hyerɛ te ne.

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 5:5

Mvum nu, sona sa mmɛseka fitele berɛ, na ɔhyerɛle ɛhene n’ahemvie berɛ terɛ bɔ bama ye nwo ne anwo, wɔ kanea bakaa ne nyunu berɛ, na ɛhene ne nwuni asaa bɔ né ɔkyerɛ ne.

Daniel 7:28

“Edwirɛ ne, ye ayieleɛ ɛne. Na me, Daniel de, edwirɛ ne hale me paa, me nwo yɛle me basaa, nakoso mvale edwirɛ ne nziele me ti anu.”

Nahum 2:10

Ninewe abɔ tɔɔ, wabɔ tɔɔ, wasɛkye bɔkɔɔ! Mmenia nwo ngaka atu amini, nangoroma mɔ bayɛ hodwoo, bɛ sisia amukoraa yɛ bɛ yea, yeɛ bɛ nyunu amukoraa ayɛ hoyaa!

Hebrifoɛ 12:12

Yiti ɛ́mɔma ɛmɔ sa bɔ nu agoho, ɔne ɛmɔ nangoroma bɔ nu ayɛ hodwoo ne anu yɛ se.