Daniel 5:29 - AHYERƐLƐ KRONGRON

²⁹ Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 5:29 Iomraidhean Croise

Gyenesise 41:42

Yeɛ Faro yele ye nzɔanoɛ pɛteaa fili ye sa, ɔfa wurale Yosef, ɔfale kende herale ye, na ɔfale sikaa kɔkorɛ atweaban yale ye.

Ɛseta 10:3

Na Yudaniɛ Modekae ye dibea ne, sɛ né Nana Ahasuro nne berɛ a, ye yeɛ ɔwɔ berɛ ɔ. Onyane animnyam wɔ Yudafoɛ nyunu, na ye mmango Yudafoɛ hurole ye dwirɛ, ofikyɛ né ɔpena ye mmenia paa, na ɔfale ye boso ama bɛ yeeyɛlɛ nwo dwirɛ tole ye nwo so, na ɔhane asomdwee dwirɛ hyirele ye mmenia amukoraa.

Anyandera 1:9

ofikyɛ bɛte animnyam abotire bɔ ɔbɔ wɔ ti ɔ, ɔne akomuade bɔ ɔya wɔ ɔ.

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 5:16

Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Daniel 6:2

Afei ɔyele mbanyi mɔ so neafoɛ nza bɔ bɛkɔnea mbɔtam mbanyi nemɔ aso ɔ, bɔ né Daniel te mmenia nza nemɔ anu ko ɔ. Né odi kyɛ sɔ mbɔtam mbanyi nemɔ bebu b’adwuma nwo ngondaa bekyire bɛ, amaa ɔnate so ɛhene ne anhwere ye nikyee bie.