Daniel 5:25 - AHYERƐLƐ KRONGRON

²⁵ Ahyerɛlɛ bɔ wahyerɛ ne ɛhe: MENE, MENE, TEKEL, PARSIN.

Daniel 5:25 Iomraidhean Croise

2 Aberɛso Dwirɛ 21:12

Yeɛ ngɔmhyɛlɛniɛ Elia hyerɛle krataa ɔɔmane Yehoram kyɛ, “AWURADE wɔ nana Dawide Nyameɛ nwa, ‘Ɔnate kyɛ amva atee bɔ wɔ baba Yehosafate fale so ne bie, anaa atee bɔ Yuda hene Asa fale so ne bie,

Yesaya 14:11

W’anwomasoɛ ne, ye bo aapɛ wɔ ɛborɔ, w’adengum bɔ bɛbɔ ne koso sɔ ala; bɛen bɔ ɛla so ne te nnɔboakoma, na esuronyi yeɛ bafa bagurɔ wɔ nwo ɔ.

Yesaya 47:11

Yiti musue kɔto wɔ bɔ engonya ye sɔbea ɔ; abue kobu wɔ bɔ engonya ye noa mbata biala ɔ; na asane kɔto wɔ mvum nu bɔ engonwu ye nwo hwee ɔ.

Yeremia 27:7

Na maen maen amukoraa kɔso ye ne ɔwa ne ye anomaa, kɔpem kyɛ mmerɛ bɔ mahyehyɛ kyɛ ye maen ne ɔbra ayieleɛ ne okodwu ɔ; na afei maen maen pee ne ahemvo atitire kɔmaa ɔkɔso bɛ.

Daniel 5:24

“Na ye sɔ ati yeɛ ɔsomane asaa ne maa ɔɔhyerɛle ahyerɛlɛ he ɔ.

Daniel 5:26

Na edwirɛ ne bo hyirelɛ ɛhe: MENE, Nyameɛ aha w’ahennie ngyẽa ne, na wafa wawa ayieleɛ;

Habakuku 2:7

Bɛ bɔ bɛma wɔ kerɛ ne, aso bengodwɔso bengotia wɔ mvum nu, na bɛ bɔ bekodwɔso wɔ so ne, bɛkɔma wɔ nwo kɔwosowoso wɔ. Na ɛkɔyɛ koɛ nu nzesadeɛ kɔma bɛ.

Luka 1:51

Wafa ye basa wayɔ nningyein mbiri mbiri, na wapanzam ahandaenfoɛ b’adwene nzusuleɛ nu.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

1 Samuel 28:19

Asa koso, AWURADE kɔfa Yisrael ne wɔ kowura Filistifoɛ sa; na ɛhema ɛne wɔ mma mmienzua mɔ bɛkɔɔboka me so. Na AWURADE kɔfa Yisrael koɛhonɛfoɛ koso kowura Filistifoɛ sa.”