Daniel 5:23 - AHYERƐLƐ KRONGRON

²³ na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Daniel 5:23 Iomraidhean Croise

Gyenesise 14:19

Oyirale ye kyɛ, “Anwuro Anwuro Nyameɛ, bɔ ɔbɔle anwuro ne aseɛ ne, óyira Abram;

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

2 Ahemvo 14:10

Ali Edom so ngonim amba ama wɔ ti anu ayɛ wɔ fɛ. Ma wɔ nye sɔ animnyam bɔ anya ye ne, ná tena wɔ maen nu. Nzu ati yeɛ ɛtwetwe edwirɛ ba maa ɛne Yuda ɛmɔdi ngoguo ye?”

YOB NWOMAA NE 12:10

Abɔdeɛ biala bɔ ole ngoa ne, ye sa nu yeɛ ye ngoa wura ɔ, yeɛ ye sa nu yeɛ sona biala ye nwomeɛ wura ɔ.

YOB NWOMAA NE 31:4

Aso onnwu nikyee biala bɔ meyɔ ɔ, aso ɔnga agyirɛ biala bɔ metu ɔ?

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 115:16

Anwuro te Nyameɛ ye deɛ, nakoso aseɛ de, wafa wama adasa mmaa.

Edwein 139:3

Ɛneanea m’atee bɔ nnate so ɔ, ɔne me nnaa nu, na wɔ nye tua bɔ meyɔ amukoraa.

Edwein 146:4

Sɛ sona nwomeɛ fi ye nu a, sona sa kɔ ye nnɛterɛ nu; sɔ kyẽa ne ala, ye nhyehyɛleɛ ye bo pɛ.

Anyandera 20:24

Kuro sona agyirɛ bɔ otutu ne, ogyi AWURADE so, ɔkɔyɛ sɛɛ né sona ate ye bɔbɔ ye atee bɔ ɔnate so ɔ bo?

Yesaya 13:11

Mebaahwe ewiase so wɔ ye bɔne nwo, ngɔhwe bɔnefoɛ so wɔ b’amumuyɛɛ nwo, ngɔpɛ ahandaenfoɛ b’anwomasoɛ ne aso, yeɛ ngɔbrɛ atianuserɛfoɛ bɛ nduhoɛ ne ase.

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Yesaya 33:10

AWURADE nwa nyoo, “Afei ngodwɔso, afei ngohyire me tumi, afei ngɔmaa bekonwu me tumi.

Yesaya 37:19

bagyi maen maen mɔ bɛ nyameɛ mɔ bagua see nu, ofikyɛ bɛ de bɛtte nyameɛ huu, na mmom bɛte kuro sona ye sa noa adwuma bɔ wafa bakaa ne nyɔboɛ wayɔ ɔ. Na ɔnate sɔ ati yeɛ basɛkye bɛ ɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

Yeremia 48:26

Ɛ́mɔma ɔbo (nzaa), ofikyɛ ɔmomane ye nwo so hyirele AWURADE. Yiti Moabo kɔla ye feɛ nu, na ye koso bɛkɔgoro ye nwo.

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Yeremia 50:29

“Ɛ́mɔboaboa agyaentolɛfoɛ noa maa bɛfa koɛ bɛɛtoa Babilɔn: ɛmɔ amukoraa bɔ ɛmɔto agyaen ɔ, ɛ́mɔkyekye asikyeleɛ bɛbra ye nwo beyia; nnɛmɔma bɛ nu biala nwati’. Ɛ́mɔtua ye kerɛ kyɛbɔ ye yɔleɛ te ɔ. Bɔ wayɔ amukoraa, ɛ́mɔyɔ ye bie betua ye so, ofikyɛ wayɛ AWURADE, Yisrael Krongronniɛ ne aso anwomasoɛ.

Hesekiel 28:17

W’anwonyemene ti ɛyɛle anwomasoɛ, wɔ talɛ bɔ ɛta ti ɛsɛkyele wɔ nworɛ. Yiti mvindini wɔ ndole ase, nguale wɔ nyunu ase wɔ ahemvo mɔ bɛ nyunu, maa betuli bɛ nye beguale wɔ so.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 28:5

Wɔ dwaalilɛ nu nworɛ piri ne, ɛnate so ama w’anwonya asone pee, na w’anwonya ne ama anwomasoɛ awa wɔ nu.

Hesekiel 31:10

“Yiti AWURADE Nyameɛ nwa nyoo: Ɔnate kyɛ onyi yɛle tendenn, bɔ ye ti anwuro ɔɔhane munungum ne anu dɔ, ná ɔyɛle ye tendenn nwo anwomasoɛ ne ati,

Daniel 11:12

Na sɛ ɔkye ɛlɔen ne nnure ɔfa bɛ kɔ a, anwomasoɛ kɔwa ye nu, na okohũhũ mmenia apee buru pee, nakoso ongoli ngonim ngɔhyɛ.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Daniel 8:11

Ɔmomane ye nwo so dwɔso tiale safohene bɔ ɔla ɛlɔen ne noa ne; ɔberale ye daa biala naen yeralɛ afɔleɛ bɔ bɛbɔ bɛma ye ne, na ofindini ye nekaa krongron ne guale ase.

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Asomafoɛ 17:25

yeɛ nna sona sa yeɛ bɛfa bɛsɔne ye ɔ, kyɛ ebiaa ohia nikyee bie ɔ; ofikyɛ ye bɔbɔ yeɛ ɔma sona biala ngoa ne nwomeɛ ne nikyee biala ɔ;

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

1 Timoteo 3:6

Ɔnzɛ kyɛ ɔyɛ sona bɔ ɔte gyidiniɛ foforɛ ɔ, ná wammoma ye nwo so ma wannya abɔnzam foɛbualɛ ne bie.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;

Maenbulɛfoɛ 16:23

Afei Filistifoɛ mbanyi bɔle dwaa kyɛ bɛbɔ afɔleɛ kandinga bɛma bɛ nyameɛ Dagɔn, ná bɛgye bɛ nye; ofikyɛ bɛhane kyɛ, “Yɛ nyameɛ yeɛ wafa yɛ pɔfoɛ Samson wawura yɛ sa ɔ.”

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.