Daniel 5:22 - AHYERƐLƐ KRONGRON

²² Na wɔ, Bɛlsasa, bɔ ɛte ɔwa ɔ, ɛse ɛhe amukoraa, nakoso angua wɔ nwo ase,

Daniel 5:22 Iomraidhean Croise

2 Aberɛso Dwirɛ 33:23

Wammrɛ ye nwo ase wamma AWURADE kyɛbɔ ye baba Manase de ɔbrɛle ye nwo ase ne, na mmom Amon yɔle bɔne pee.

2 Aberɛso Dwirɛ 36:12

Ɔyɔle bɔ ɔte bɔne wɔ AWURADE ye Nyameɛ nyunu ɔ. Wammrɛ ye nwo ase wamma ngɔmhyɛlɛniɛ Yeremia bɔ ɔfale AWURADE noa dwirɛ tole dwaa ne.

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Yesaya 13:11

Mebaahwe ewiase so wɔ ye bɔne nwo, ngɔhwe bɔnefoɛ so wɔ b’amumuyɛɛ nwo, ngɔpɛ ahandaenfoɛ b’anwomasoɛ ne aso, yeɛ ngɔbrɛ atianuserɛfoɛ bɛ nduhoɛ ne ase.

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yesaya 26:10

Sɛ enwu amumuyɛɛniɛ anwumvoin a, amumuyɛɛniɛ ne nzua kyɛ ɔkɔbɔ bra bɔ ɔtengyɛ ɔ; na aseɛ bɔ pɛpɛɛpɛyɛlɛ wɔ so ne, sɔ sona ne de, amumuyɛɛ yeɛ ɔyɔ ɔ, na onnwu kyɛbɔ AWURADE osi te piri ɔ.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Mateo 14:4

Ɔnate kyɛ né Yohane ahã ahyire Herode kyɛ, “Mmeraa mma ate kyɛ egya ye ɔ.”

Mateo 21:32

Ofikyɛ Yohane fale tenenee atee so yeɛ ɔwale ɛmɔ berɛ ɔ, na ɛmɔanne ye banni. Nakoso ɛtoɔdidelɛfoɛ ne adwamanbɔlɛfoɛ de, belele ye belili; na ɛmɔnwuni ye sɔ ne po, ye si ye ɛmɔanzesã ɛmɔ adwene banne ye banni.”

Luka 12:47

“Akoaa bɔ ɔse bɔ ye mene kuro, nakoso wammoaboa ye nwo wanzie, anaa wanyɔ ye mene apɛdeɛ nen, ɔkɔbo ye botorɔ.

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Yakobo 4:17

Yiti ebiala bɔ ɔse paa bɔ ɔsɛ kyɛ ɔyɔ, nakoso ɔnyɔ ne, ɔte bɔne ma ye.

Yakobo 4:6

Nakoso adom bɔ ɔfa ma ne, ɔsone pee. Na ye sɔ ati yeɛ Ahyerɛlɛ ne kã kyɛ, “Nyameɛ nye sa anwomasoɛfoɛ, na ɔdo anwobrɛaseɛfoɛ.”