Daniel 5:2 - AHYERƐLƐ KRONGRON

² Na mmerɛ bɔ nzaa ne fale Bɛlsasa nye so ne, ɔhyɛle kyɛ bɛɛfa sikaa kɔkorɛ ne ɛdwetɛ kulie mɔ bɔ ye baba Nebukadenesa ɔɔsesa fili Yerusalem asɔneyɛɛ sua nu wale ne bɛbra, ma ye ɛhene, ɔne ye mbanyi mɔ, ɔye mɔ ne ye sómaa mɔ bɛno nu.

Daniel 5:2 Iomraidhean Croise

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

2 Ahemvo 24:13

Nebukadenesa sesale AWURADE awuro agudeɛ amukoraa, ɔne ahemvie berɛ agudeɛ ne hɔle. Esikaa kɔkorɛ kulie amukoraa bɔ Yisrael hene Solomon maa bɛyɔle beguale AWURADE asɔneyɛɛ sua ne anu ne, ɔbobɔle bɛ. Ɛhe amukoraa sili kyɛbɔ AWURADE hane ne ala.

2 Ahemvo 25:15

yeɛ ngukue bɔ bɛfa see begua nu ɔ ɔne ayaa nemɔ. Nikyee biala bɔ bafa esikaa kɔkorɛ bayɔ ne, yeɛ nikyee biala bafa ɛdwetɛ bayɔ koso, awɛmvoɛ nemɔ aso safohene ne sesale hɔle.

2 Aberɛso Dwirɛ 11:20

Ye si ye, ogyale Absalom awa brasua Maaka, na ɔne ye bɛwole Abiya, Ataye, Sisa ne Selomite.

2 Aberɛso Dwirɛ 15:16

Nana Asa tuli ye bɔbɔ oni Maaka fili ɛhemmaa bia ne aso, ofikyɛ ɔyɔle Asera bosoen bɔ ɔte akyiwadeɛ ɔ. Asa pɛle Asera dosii ne tole ase, obubuli ye, na ɔyerale ye wɔ Kidron bɔnza ne anwo.

2 Aberɛso Dwirɛ 36:10

Bɛhyɛ afoɛ bo bieku ne, Nana Nebukadenesa somane maa bɛɛfale Yehoakyin bɛwale Babilɔn. Bɛsesale AWURADE awuro berɛ nningyein bɔ ye nyɔboɛ yɛ se ɔ bɛbokale so bɛhɔle, na Nebukadenesa fale Yehoakyin aliɛma Sedekia lili Yuda ne Yerusalem so hene.

2 Aberɛso Dwirɛ 36:18

Nyameɛ awuro berɛ nningyein mbiri mbiri ne mmaa mmaa, nningyein bɔ ɔwɔ AWURADE awuro berɛ nekaa bɔ bɛfa nningyein besie ne, yeɛ Nana Sedekia ne ye mbanyi bɛ nningyein, Babilɔn hene sesale, na ɔfale ye mukoraati hɔle Babilɔn.

Ɛsra 5:14

Asa koso, Nyameɛ awuro sikaa kɔkorɛ ne ɛdwetɛ nningyein bɔ Nebukadenesa sesa fili Yerusalem asɔneyɛɛ sua ne anu ooguale Babilɔn asɔneyɛɛ sua nu ne, Nana Karose sesa fili Babilɔn asɔneyɛɛ sua ne anu. Na biaa bie bɔ oli Sesebasa bɔ Nana Karose wabɔ ye amrado ne, ɔfa wurale ye sa.

Yeremia 27:7

Na maen maen amukoraa kɔso ye ne ɔwa ne ye anomaa, kɔpem kyɛ mmerɛ bɔ mahyehyɛ kyɛ ye maen ne ɔbra ayieleɛ ne okodwu ɔ; na afei maen maen pee ne ahemvo atitire kɔmaa ɔkɔso bɛ.

Yeremia 50:35

“Ngrandɛ gyi Kaldeafoɛ so, yeɛ Babilɔnfoɛ ne b’atitire ne bɛ nworɛfoɛ so! AWURADE noa dwirɛ ɛne.

Yeremia 52:19

yeɛ komiti mmaa mmaa nemɔ, ngukue bɔ bɛfa see begua nu nemɔ, ndalie nemɔ, bua nemɔ, kanea bakaa nemɔ, ateɛ nemɔ, yeɛ kulie nemɔ. Nikyee biala bɔ bafa esikaa kɔkorɛ bayɔ ne, yeɛ nikyee biala bɔ bafa ɛdwetɛ bayɔ nemɔ koso, awɛmvoɛ nemɔ aso safohene ne sesale bɛ hɔle.

Daniel 1:2

Na AWURADE fale Yuda hene Yehoakim wurale ye sa, bɔ Nyameɛ awuro berɛ nningyein ne biemɔ boka so ɔ. Ɔsesale nningyein ne wale ye bosoen awuro wɔ Sinari aseɛ so, na ɔfale nningyein ne ooguale ye bosoen awuro berɛ nekaa bɔ besie nningyein ne.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:13

Yeɛ bɛɛfale Daniel bɛwale ɛhene ne nyunu, na obisale Daniel kyɛ, “Wɔ ole Daniel, mmenia bɔ bɛhyele bɛ nnure befili Yuda nemɔ anu ko, bɔ Nana, me baba fale bɛ fili Yuda wale ne anaa?

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Daniel 5:3

Yeɛ sikaa kɔkorɛ ne ɛdwetɛ kulie mɔ bɔ bɛɛsesa befili asɔneyɛɛ sua nu, bɔ ɔte Nyameɛ awuro bɔ ɔwɔ Yerusalem ne, bɛɛfa bɛwale; na ɛhene ne ne ye mbanyi mɔ, ɔye mɔ ne ye sómaa mɔ bɛnone nu.

Daniel 5:30

Na sɔ kɔngɔen ne ala, behuni Kaldeafoɛ hene Bɛlsasa.

Daniel 5:4

Bɛnone nzaa, na bɛyele sikaa kɔkorɛ, ɛdwetɛ, kɔɔbere, buralɛ, bakaa ne nyɔboɛ nyameɛ mɔ ayɛ.

Numeri 7:79

Ye afɔleɛ ne ɛhe: talie ko bɔ bafa ɛdwetɛ bayɔ ɔ, bɔ nu nonɛ te kilo ko ne bue, ayaa ko bɔ bafa ɛdwetɛ bayɔ ɔ, bɔ nu nonɛ te kilo ko, kyɛbɔ nekaa krongron berɛ kilo nonɛ te ɔ. Né esam paa bɔ bafa ngoo bafra ye ɔ, bɔ bɛfa bɛbɔ aburoo afɔleɛ ɔ wayi bɛ munyɔ tɛkyɛ;