Daniel 5:19 - AHYERƐLƐ KRONGRON

¹⁹ na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 5:19 Iomraidhean Croise

2 Ahemvo 25:28

Ɔne Yehoakyin belili ngitahoɛ paa, na ahemvo bɔ bahye bɛ nnure bahɔ Babilɔn baboka Yehoakyin so ne, ɔmane ye dibea bɔ ɔtra bɛ mukoraa ɔ.

Anyandera 16:14

Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Nworɛ Dwirɛhanɛniɛ 8:3

Sɛ edwirɛ ne ɔtte mayee a, nnɛtwetwe wɔ gya ase, fi ye nyunu berɛ kɔ, ofikyɛ bɔ okuro biala yeɛ ɔyɔ ɔ.

Hesekiel 31:11

ngɔfa ye ngowura maen maen mɔ nu tuminiɛ ne sa; na ɔne ye koli amba kyɛbɔ ɔfata ɔ. Ɔnate ye amumuyɛɛ ti yeɛ matu ye bo mafi berɛ ɔ.

Daniel 11:12

Na sɛ ɔkye ɛlɔen ne nnure ɔfa bɛ kɔ a, anwomasoɛ kɔwa ye nu, na okohũhũ mmenia apee buru pee, nakoso ongoli ngonim ngɔhyɛ.

Daniel 11:16

Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:3

Afei ɛhene katakyie bie kodwɔso, ɔkɔfa tumi piri koli hene, na bɔ okuro biala yeɛ ɔkɔyɔ ɔ.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 3:29

Yiti, méhyɛ mmeraa kyɛ, maen, mmenia anaa edwudwolɛ biala bɔ ɔkɔhã dwirɛ kotia Sadrake, Mesake ne Abedinego Nyameɛ ne nen, ngɔmaa bɛkɔtete ye nu pasapasa, na bɛkɔfa ye awuro bɛkɔkakyi fofoɛ; ofikyɛ nyameɛ biala nne berɛ bɔ ɔkora pepɛ de sona sɔaa ɔ.”

Daniel 3:4

Yeɛ dawurebɔlɛniɛ ne teane nu serɛserɛ kyɛ, “Maen maen mɔ ee, mmenia ne edwudwolɛ mɔ ee, ahyɛdeɛ ne ole kyɛ,

Daniel 3:6

Na ebiala bɔ wammutu berɛ wanzɔne ye ne, sɔ mmerɛ ne ala odi kyɛ befindi ye bɛto see bɔ ogye wuronyiwuronyi wɔ foonoo nu ne anu.”

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 4:22

Nana, wɔ ɛne. Wɔ yeɛ anyi ná anya anwoserɛ ne. W’anwoserɛ ne anyi, na watrɛ waadwu nyameɛso, na wɔ tumi ne waadwu aseɛ so nekaa biala.

Habakuku 2:5

Afei koso, nzaa te nnakannaka, anwomasoɛniɛ ne ngɔtena berɛ daa. Ye akɔnnɔ nu trɛ kyɛ ɛborɔ, ɔte kyɛ ewue bɔ ye ko nyi le ɔ. Ɔko boaboa maen maen amukoraa noa ma ye nwo, na ɔkye mmenia amukoraa nnure ɔfa.”

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Romanfoɛ 13:1

Ɔsɛ kyɛ sona biala brɛ ye nwo ase wura maen mbanyi tumi bo, ofikyɛ tumi biala nne berɛ, sana bɔ ofi Nyameɛ berɛ ɔ; na tumi mɔ bɔ bɛwɔ berɛ ne, Nyameɛ yeɛ wahyehyɛ wato berɛ ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,