Daniel 5:17 - AHYERƐLƐ KRONGRON

¹⁷ Yeɛ Daniel buale ɛhene ne kyɛ, “Nana, w’akyɛdeɛ ne, maa ɔwɔ berɛ, ná fa w’akatuaa ne ma sona foforɛ. Nakoso ngɔkenga ahyerɛlɛ ne ngohyire wɔ, yeɛ ngohyire ye bo koso ngohyire wɔ.

Daniel 5:17 Iomraidhean Croise

Gyenesise 14:23

kyɛ, mengɔfa wɔ gyese, anaa mbaboa nyamaa, anaa wɔ nikyee biala, ná anga kyɛ, ‘Me yeɛ mama Abram anya ye nwo ɔ.’

2 Ahemvo 3:13

Elisa sele Yisrael hene kyɛ, “Ɛpena nzu me dɔ? Kɔ ɛse ngɔmhyɛlɛfoɛ ne eni ngɔmhyɛlɛfoɛ nemɔ dɔ.” Nakoso Yisrael hene buale ye kyɛ, “Daabi, ɔyɛ me kyɛ AWURADE yeɛ waboa yɛ ahemvo nza ye yɛ noa kyɛ ɔbaafa yɛ wura Moabo sa ɔ.”

2 Ahemvo 5:16

Nakoso Elisa buale kyɛ, “Kyɛbɔ AWURADE bɔ ngyi ye nyunu ye ɔte ase ye, mengole hwee!” Naaman hɔle so srɛle Elisa kyɛ ole ye akyɛdeɛ ne, nakoso wanne.

2 Ahemvo 5:26

Nakoso Elisa sele ye kyɛ, “Mmerɛ bɔ biaa bie huru fili ye teaseɛnam nu ooyiale wɔ ne, aso nna me sunzum ɔne wɔ yeɛ bɛhɔle ɔ? Aso sɔ mmerɛ ye yeɛ odi kyɛ ede esikaa ne ndaadeɛ, olive boo ne bobe boo, mmoaen ne nandwie mɔ, ngoaa ne afaneɛ mɔ ɔ?

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Daniel 2:6

Nakoso sɛ ɛmɔkã laleɛ ne bekyire me, ná ɛmɔkyire me ye bo a, ye de ɛmɔkonya me berɛ akyɛdeɛ, akatuaa ne anidie kandinga. Yiti laleɛ ne, ɛmɔhã behyire me, ná ɛmɔhyire me ye bo.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Asomafoɛ 8:20

Na Petro buale ye kyɛ, “Abue bu wɔ ne wɔ sikaa ne, ofikyɛ ɛdwene kyɛ ɛkɔhora kɔfa sikaa kɔtɔ Nyameɛ akyɛdeɛ ne!