Daniel 5:16 - AHYERƐLƐ KRONGRON

¹⁶ Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:16 Iomraidhean Croise

Gyenesise 40:8

Na bebuale ye kyɛ, “Yahyehye laleɛ, nakoso yɛnnya sona maa ongyire yɛ bɛ bo.” Yeɛ Yosef sele bɛ kyɛ, “Aso nna Nyameɛ ala yeɛ ɔkora kyire laleɛ bo ɔ? Mesrɛ ɛmɔ, ɛ́mɔhã laleɛ ne behyire me.”

Gyenesise 41:15

Na Faro sele Yosef kyɛ, “Mahye laleɛ bie, nakoso ebiala ngora ye bo kyire. Mate kyɛ wɔ de sɛ ebie ka ye laleɛ kyire wɔ a, ɛkora kyire ye bo.”

Gyenesise 41:42

Yeɛ Faro yele ye nzɔanoɛ pɛteaa fili ye sa, ɔfa wurale Yosef, ɔfale kende herale ye, na ɔfale sikaa kɔkorɛ atweaban yale ye.

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 2:6

Nakoso sɛ ɛmɔkã laleɛ ne bekyire me, ná ɛmɔkyire me ye bo a, ye de ɛmɔkonya me berɛ akyɛdeɛ, akatuaa ne anidie kandinga. Yiti laleɛ ne, ɛmɔhã behyire me, ná ɛmɔhyire me ye bo.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Daniel 6:2

Afei ɔyele mbanyi mɔ so neafoɛ nza bɔ bɛkɔnea mbɔtam mbanyi nemɔ aso ɔ, bɔ né Daniel te mmenia nza nemɔ anu ko ɔ. Né odi kyɛ sɔ mbɔtam mbanyi nemɔ bebu b’adwuma nwo ngondaa bekyire bɛ, amaa ɔnate so ɛhene ne anhwere ye nikyee bie.

Asomafoɛ 8:18

Simɔn nwuni kyɛ asomafoɛ ne fa bɛ sa gua agyidifoɛ nemɔ so a benya Sunzum Krongron ne, yiti ɔmane Petro ne Yohane sikaa,