Daniel 5:13 - AHYERƐLƐ KRONGRON

¹³ Yeɛ bɛɛfale Daniel bɛwale ɛhene ne nyunu, na obisale Daniel kyɛ, “Wɔ ole Daniel, mmenia bɔ bɛhyele bɛ nnure befili Yuda nemɔ anu ko, bɔ Nana, me baba fale bɛ fili Yuda wale ne anaa?

Daniel 5:13 Iomraidhean Croise

Ɛsra 10:16

Na bɛ bɔ befili nnurehyelɛ nu bɛwale ne de, belele nzusuleɛ ne bɛtole nu. Na ɔsɔfo Ɛsra yeyele mmusua mbanyi nemɔ, abusua biala nu sona ko, na bɛbobɔle bɛ dumaa. Na kyẽa bɔ oli moa wɔ bosome bɔ ɔtɔ so buru ne anu ne, bɛtenane ase kyɛ bɛneanea edwirɛ ne anu.

Ɛsra 10:7

Na behyinini Yuda ne Yerusalem amukoraa bɛbɔle dawure behyirele bɛ bɔ bafi nnurehyelɛ nu bawa ne amukoraa, kyɛ beeyia nu wɔ Yerusalem,

Ɛsra 4:1

Mmenia bɔ bɛpɔ Yuda ne Benyamin ne, bɛtele kyɛ mmenia bɔ befi nnurehyelɛ nu bawa ne, begu so besi AWURADE Yisrael Nyameɛ asɔneyɛɛ sua.

Ɛsra 6:16

Afei Yisraelfoɛ, asɔfo nemɔ, Lewifoɛ ne mmenia ngaa bɔ befili nnurehyelɛ nu bɛwale ne, belili ahurusi betuli Nyameɛ awuro he bewurale Nyameɛ sa.

Daniel 1:1

Yuda hene Yehoakim ahennie afoɛ bɔ ɔtɔ so nza ne anu, Babilɔn hene Nebukadenesa wale Yerusalem ootuale kuro ne.

Daniel 1:2

Na AWURADE fale Yuda hene Yehoakim wurale ye sa, bɔ Nyameɛ awuro berɛ nningyein ne biemɔ boka so ɔ. Ɔsesale nningyein ne wale ye bosoen awuro wɔ Sinari aseɛ so, na ɔfale nningyein ne ooguale ye bosoen awuro berɛ nekaa bɔ besie nningyein ne.

Daniel 1:21

Na Daniel tenane berɛ maa oodwuli Nana Karose ahennie afoɛ bɔ oli moa ne.

Daniel 1:6

Bɛ nu biemɔ ole: Daniel, Hanania, Misael ne Asaria bɔ befi Yuda abusua kure nu ɔ.

Daniel 2:25

Yeɛ Arioke yɛle ndɛndɛ fale Daniel hɔle Nana nyunu, na osele ye kyɛ, “Nana, mmenia bɔ bɛhyele bɛ nnure befili Yuda bɛwale ne, manya bɛ nu bienzua ko bɔ okohyire wɔ laleɛ ne abo ɔ.”

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 5:11

Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:14

Mate wɔ nga kyɛ nyameɛ nemɔ bɛ sunzum wɔ wɔ nu, na banwu kyɛ kanea ne nimdeɛ ne nworɛ paa te wɔ nu.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:2

Na mmerɛ bɔ nzaa ne fale Bɛlsasa nye so ne, ɔhyɛle kyɛ bɛɛfa sikaa kɔkorɛ ne ɛdwetɛ kulie mɔ bɔ ye baba Nebukadenesa ɔɔsesa fili Yerusalem asɔneyɛɛ sua nu wale ne bɛbra, ma ye ɛhene, ɔne ye mbanyi mɔ, ɔye mɔ ne ye sómaa mɔ bɛno nu.

Daniel 6:13

Yeɛ besele ɛhene ne kyɛ, “Sɔ Daniel ne, bɔ ɔte mmenia bɔ bɛhyele bɛ nnure befili Yuda nemɔ anu ko ne, Nana, ommu wɔ, yeɛ ɔmva mmeraa bɔ wɔ sa wura ye bo ne nyɛ huu, na mmom ɛlɛho biala ɔbɔ ye mbaeɛ ne pɛen nza.”

Daniel 8:1

Nana Bɛlsasa ahennie afoɛ bɔ ɔtɔ so nza ne anu, me Daniel, nyane nyekyire bie, na ɛhe sili wɔ nyekyire bɔ nnili moa nyane ye ne asi.

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Yohane 7:1

Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye.

Yohane 7:3

Yiti oliɛma nemɔ sele ye kyɛ, “Fi wa kɔ Yudea, ná w’asuafoɛ nemɔ benwu nnwumaa bɔ ɛ́yɔ ne.