Daniel 5:11 - AHYERƐLƐ KRONGRON

¹¹ Biaa bie wɔ w’ahennie ye anu bɔ nyameɛ krongron mɔ bɛ sunzum wɔ ye nu ɔ. Wɔ baba aberɛ so, benwuni kanea ne nimdeɛ ne nworɛ bɔ ɔte kyɛ nyameɛ nemɔ bɛ nworɛ deɛ ne bie ɔ wɔ ye nu, na wɔ baba Nana Nebukadenesa bɔle ye panyi wɔ ngonyaayelɛfoɛ, bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ nemɔ bɛ so,

Daniel 5:11 Iomraidhean Croise

Gyenesise 41:38

Yeɛ Faro bisale ye mbanyi nemɔ kyɛ, “Aso yɛkonya sona bɔ ɔte sɔa bɔ Nyameɛ Sunzum te ye nu ɔ?”

2 Samuel 14:17

Nana, me mene, w’afaneɛ susuli kyɛ, ‘Wɔ noa dwirɛ kɔma me soa nu kɔtɔ me.’ Ofikyɛ Nana, me mene, ɛte kyɛ Nyameɛ abɔfo, na ɛse paa ne bɔne nu nzonzoleɛ. AWURADE wɔ Nyameɛ ne, ogyina wɔ si.”

Hesekiel 28:3

kyɛ ɛse nworɛ tra Daniel, mvealeɛ nu dwirɛ biala mvea wɔ,

Hesekiel 28:4

wɔ nworɛ ne wɔ nimdeɛ yeɛ afa anya wɔ nwo ɔ, na aboaboa sikaa kɔkorɛ ne ɛdwetɛ noa agua nekaa bɔ esie wɔ nningyein ɔ;

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 2:11

Edwirɛ bɔ Nana abisa ye de, ɔbo adwene so, na ebiala ngɔhora ngohyire nu ngohyire Nana, sana nyameɛ nemɔ bɔ bɛ de, nna bɛ ne kuro sona yeɛ bɛte ɔ ne yeɛ bɛkɔhora ɔ.”

Daniel 2:22

ɔda edwirɛ bɔ nu pi ɔ, ɔne mvealeɛ nu dwirɛ ali, ɔse bɔ ɔwɔ awosii nu ɔ, na kanea ne ye yeɛ bɛte ɔ.

Daniel 4:18

Laleɛ bɔ me, Nana Nebukadenesa, ngyene ne, ye ɛne. Yiti wɔ, Beltesasa, kyire ye bo, ofikyɛ m’ahennie nu nworɛfoɛ amukoraa bɛngɔhora ngohyire me ye bo. Nakoso wɔ de, ɛkɔhora, ofikyɛ nyameɛ krongron mɔ bɛ sunzum wɔ wɔ nu.”

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 4:6

Yiti nhyɛle mmeraa kyɛ bɛfa Babilɔn nworɛfoɛ amukoraa bɛbra me nyunu, maa beehyire me laleɛ ne abo.

Daniel 5:14

Mate wɔ nga kyɛ nyameɛ nemɔ bɛ sunzum wɔ wɔ nu, na banwu kyɛ kanea ne nimdeɛ ne nworɛ paa te wɔ nu.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Asomafoɛ 12:22

Na mmenia nemɔ bɛbɔ belele so kyɛ, “Ɛhe de, nyameɛ bie yeɛ odwudwo ne, na nna kuro sona ɔ!”

Asomafoɛ 14:11

Na ɛlɔen ne nwuni nikyee bɔ Pɔɔlo ayɔ nen, bɛteateane nu wɔ Likaonia dwudwolɛ nu kyɛ, “Mmosoen nemɔ bayeyɛ bɛ nwo kyɛ mmenia badwu bawa yɛ wa!”

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.