Daniel 5:1 - AHYERƐLƐ KRONGRON

¹ Nana Bɛlsasa tole poen kandinga bie mane ye mbanyi apee ko, na ɔnone nzaa wɔ mmenia apee ne anyunu.

Daniel 5:1 Iomraidhean Croise

Gyenesise 40:20

Ye ɛlɛsa ne aso, né ɔte Faro krakyẽa. Ɔtole poen mane ye mbanyi amukoraa. Na ɔyele nzaasulɛfoɛ so panyi ne paanootonɛfoɛ so panyi ne fili kuku nu maa beegyinane ye mbanyi nemɔ anyunu.

Ɛseta 1:3

Olili bia ne, ye afoɛ nza ne anu, ɔtole poen mane ye mbanyi ne ye somvoɛ amukoraa. Ɔtole ye sa frɛle Pɛsia ne Media safohene mɔ, atitirefoɛ ne manzini amrado mɔ maa bɛwale ye bo bie.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yesaya 22:14

Na Asafo AWURADE waye me asotire kyɛ, “Susu amba kyɛ, sɔ amumuyɛɛ ne ati, mengɔfa ɛmɔ nwo ngɔhyɛ ɛmɔ kɔpem mmerɛ bɔ ɛmɔkowu ɔ,” Asafo AWURADE Nyameɛ noa dwirɛ ɛne.

Yeremia 50:35

“Ngrandɛ gyi Kaldeafoɛ so, yeɛ Babilɔnfoɛ ne b’atitire ne bɛ nworɛfoɛ so! AWURADE noa dwirɛ ɛne.

Yeremia 51:39

Sɛ benya akɔnnɔ ná bɛsɔ a, ngɔto bɛ poen, na ngɔmaa bɛkɔbo, kɔpem kyɛ bɛ nye kɔgye ɔ, bɛkɔla nnaa afebɔɔ, na bengotingye, AWURADE noa dwirɛ ɛne.

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Daniel 5:30

Na sɔ kɔngɔen ne ala, behuni Kaldeafoɛ hene Bɛlsasa.

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.